( كلاكيت تاني مرة ) : هتافات عنصرية حمراء ضد شيكابالا

**ادمنت هواك** · 03-15-2008, 04:22 PM

كما توقعنا وتوقع الجميع من جمهور الأهلي الذي أعلن قبل المباراة عن مهاجمته لشيكابالا لاعب الزمالك وذلك عن خلال التخطيط علانية لمهاجمة اللاعب عبر عدة مواقع الكترونية مختلفة.
بالفعل قامت رابطة مشجعي الأهلي بالتهجم علي اللاعب الأسمر منذ نزوله إلي أرض المباراة في بداية الشوط الثاني مرددة هتافات عنصرية واضحة , مطيحين بكل القيم والمباديء التي تنص عليها لوائح الاتحاد الدولي للعبة.

هذا وقد زادت هتافات الجماهير العنصرية ضد اللاعب كلما لمس الكرة أو حاول استخدام مهاراته , حتى غاب عن مستواه الفني واستقراره الذهني المعروف ولم يقدم ما يشفع له من أداء مع الفريق بالمباراة.

وعن رد فعل اللاعب فقد التزم بالأخلاق والمثل العليا بالرغم من الهجوم والتعدي الشديد عليه وعلي بشرته السمراء التي اختار الله عز وجل أن يكون بها.
فقد تجاهل اللاعب هتافات الجماهير ضده في معظم أوقات المباراة بالرغم من حالته النفسية السيئة التي لازمته بالمستطيل الأخضر , وكان له رد وحيد علي الجماهير قبل نهاية المباراة بدقيقة واحدة حينما توجه للجمهور الأحمر بالتصفيق موجها لهم كلمات الشكر علي ما يفعلوه , فما يقوم به الجمهور ما هو إلا عاكس واضح وصريح للبيئة التي أتوا منها بالإضافة إلي تلازم مبادئهم مع مباديء ناديهم الموقر!

هذا وعلي جانب آخر قام معلق المباراة علي قناة مودرن سبورت ( مدحت شلبي ) بتعمد استفزاز مشاعر الجماهير البيضاء الغفيرة في الكثير من أحداث المباراة معلنا عن أهلاويته المتعصبة متناسيا مبدأ لحياد الذي يجب أن يكون عليه رغما عن أنفه.
وقام شلبي بالهجوم علي مستوي شيكابالا الرديء الذي ظهر به , مشيرا إلي أنه لا يعلم سبب تدني مستوي اللاعب ! وكأنه لا يسمع الهتافات العنصرية طيلة 48 دقيقة هم عمر الشوط الثاني والوقت الإضافي للمباراة وهو الوقت الذي لعبه شيكابالا داخل المستطيل الأخضر.
كما ارتدي المعلق _ الأحمر _ ثوب المحامي عندما دافع عن جمهور الأهلي مؤكدا أن الهتافات ضد شيكابالا ليست من جمهور الأهلي مع تنبيهه في ذات الوقت أنه من المستحيل أن تكون الهتافات تلك من الجماهير !!
ويبقي السؤال : من الجمهور الآخر بالمباراة الذي أطلق الهتافات ؟!؟؟!

والحقيقة أنني لا أعلم سببا واحدا صريحا بأن تسند إذاعة وتعليق مباريات القمة لمثل هذا الرجل ( الأحمر ) , الذي أعلنت جماهير الزمالك مرارا بغضها له بسبب تعصبه الواضح لفريقه المفضل.
ننتظر قرارا جريئا من المسئولون عن قناة مودرن سبورت بخصوص هذا الـ( شلبي ) قبل أن نعلن عن حملة شرسة لمقاطعة القناة من جانب الجماهير البيضاء الغفيرة.

ويبقي في النهاية أن نعلن أننا _ نحن جماهير الزمالك _ ننتظر رد فعل قاسي من مجلس إدارتنا تجاه تلك المهزلة الخاصة بالتهجم العنصري علي اللاعب , وضرورة تصعيد الموضوع للـ ( فيفا ) حتى نستطيع رد جزء ولو قليل من حقوقنا تجاه هؤلاء الشرذمة الحقيرة.
كما ننوه علي عدم انتظار القرارات الهزيلة _ كالعادة _ لاتحاد الكرة الأحمر والذي سيكتفي ببضعة آلاف غرامة علي ناديهم المفضل , معتبرا تلك الهتافات سب عادي.

**Eltair** · 03-16-2008, 08:34 AM

دا الطبيعي بتعكو طبعاا

لازم تشوفوا اي خطئ وتعملة منه شماعه

انتو اساسا ملعبتوش اي كورة

واللاعب شيكابالا نفسة مكنش بيلعب وكل كورة بالكعب ويك ويك ويك مفكر نفسه بيلعب في مركز شباب الحبانية

ماعلينا من دي

مش نفس اللاعب بردو اللي قبل كدا رفع الحذاء بتاعه لجماهير الاهلي واثار جنونهم

بلاش دي بردو

كدا كدا الاهلي الافضل والاحسن وفاز عن كفاءة وقدارة واحقية والكل يعرف كدا

شوفتوا تعليقات جماهير الزمالك بعد الماتش

هيا نفسها اللي شتمت اللاعبين والادارة والفريق والنادي ككل

وبالاخص لاعب الاكروبات شيكابالا

هههههههههههههههههه

بلاش دي

زعلان ليه من مدحت شلبي

انا شوفت الماتش وسمعت تعليقه وكان عادي قوي يعني

ممكن علشان اهلاوي مخدتش بالي

طيب ياسيدي انت زملكاوي

عندك 88 قناه عرضت المباراه

شوفلك قناه تانيه ياعم

هههههههههههههههههههههههههههههه

بلاش دي كمان

عايزين توصلوا الموضوع للفيفا

علشان بتقولو عنصرية وعلشان اسمراني

ياراجل حرام عليك

تفتكر اسماعيل كلوبالي اول مجة الزمالك انتو عملتو ايه فية ؟؟؟؟؟ فاكر اللاعيبة كانت بتقولة ايه وتشتمة ازاي ؟؟؟ ولا دي مش تفرقة ؟؟ ومكنش اسمر بردو ؟؟

بلاش دي كمان

عندك لاعبين كتير قوي كان في الزمالك وسمر ومفيش حد كلمهم

بردو دي مش مشكله

تقدر بقى تقولي ليه الاخ برسيل ييييييييييييييييييييه قصدي اريل ييييييييييييييييييييه قصدي كروووول هههههههههههههههههه محضرش المؤتمر الصحفي بعد الماتش

حاجة من الاتنين يا مكسوف من الهزيمة ومش قادر يرفع عينه في المعلم جوزية

او غرور بقى ومش عايز يتعلم من بردو المعلم جوزية

عارف

انتو مش عايزين تقتنعوا انكو فريق بينهار

بس انتو مش لاقين اي حاجة تعلقوا عليها الهزيمة

وعملتو حواديت في كورة جمال حمزة ورد عليكو الحكم وقال هوا رفع رجلة ورما نفسه قبل ما امير يحتك بية ولو كان كمل وامير لمسة بس كان حسبها ضربة جزاء

بس انتو مش عايزين تلعبوا انتو جايين ماتش كورة في مركز شباب الحبانية مع اللمبي ههههههههههه

وفي الاول بقول الله يبارك فيكو جميعا

وبالتوفيق في الكاس بقى وياريت يعني تعملوها في الكاس دا الكاس ولا اهلي ولا اسماعيلي

هههههههههههههههههههههه

يعني مفييييييييييييييش حجة بقى

**ادمنت هواك** · 03-16-2008, 10:02 AM

حجة ايه وانهيار ايه ؟؟؟؟؟؟؟؟؟؟؟؟؟!!!!!!!!1
ايه اللى جاب احوال الفريق لشتايم اللى اتقالت فالماتش ؟؟؟؟؟؟؟؟؟؟؟؟؟؟!!!
ايه علاقته يعنى
اخويا حضر الماشت فالاستاد وانا سمعته وشوفته فالتلفزيون

ماله شيكابالا وعمل ايه هو عشان يتشم الشتايم دى ؟؟؟؟؟؟!
ذنبه ايه يعنى ؟!
ودلوقتى بقى لاعب اكروبات
ما الاهلى حفى عشان ياخده من الزمالك فالوقت اللى رجع فيه من اليونان

وبعدين ايه حكاية اسماعيل كولوبالى ؟!
الزمالك جاب قبليه وقبليه كتير
من امتى كنا ولا جماهير الاهلى بتشتم حد عشان هو اسمر ؟؟!

دى عنصرية ولا لا ؟!
وحاجة تانية
اه مدحت شلبى علق عالماتش كانه بيكلم الاهلوية بس وهم اللى بيسمعوه وبس
وده اعتراف منك بكده
يا اخى ارحمونا بقى
الاعلام الاحمر قولوا عليه انه احمر لكن مش تخدعو ا الناس اللى مش عارفين حاجة

وبعدين نادى ايه اللى فانهيار ؟!
فريق الكورة بس اللى نتايجه زبالة عشان اللعيبة والمدير الفنى

الفريق اللى بجد فانهيار هو الاهلى
عشان يكسب بغلطات الفريق اللى قصاده
يعنى الاهلى بجلالة قدره مش عارف يجيب جون بلعبة عدلة مستنى غلطات اللى قصاده ؟!

وما علينا من ده وده

الانهيار بجد فاخلاقيات الاهلى اللى معدش عنده اخلاق ولا كرامة اصلا
وانا من الناس اللى كنت فاكر ان الاهلى هيوقف الحضرى ومش هيخليه يلعب كورة تانى
ييجى يلاقيه غرامة واسبوعين وبعد تلات ايام يتدرب مع الفريق الاول
يا اخى انتوا فريق كبير

والحاجة التانية اللى فبالى كمان
بتدخلوا ليه فقضية احمد السيد ؟!
الواد متلبس فقضية رشوة ومقبوض عليه بتدافعوا عنه ليه ؟1
ولا فاكرين هتاثروا كمان عالقضاه فالقضية دى كمان زى ما غيرتوا الاعلام والتلفزيون والصحافة

كفاية بقى

**eldawltly** · 03-16-2008, 12:21 PM

انا صحيح أهلاوي
ولكن الهجوم على شخص مهما كان بشيء اختاره الله له لا يجوز مهما تكن الاسباب لان فيه اعتراض وتحدي لخلق الله
فمن تكون لتتحدى الله عز و جل
( لايسخر قوم من قوم عسى أن يكونوا خيرا منهم ) صدق الله العظيم

**Eltair** · 03-16-2008, 07:20 PM

كل ما اكتبلك رد مبوصلش

باين عليكو بتسموا علينا

هههههههههههههههههههه

ما علينا من دي

انت مردتش ليه في موضوع شيكابالا وان رفع الحذاء لجماهير الاهلي (اللي فتح البكابورت يتحمل ريحتة بقى ) هههههههههههههههههههههه والله زملكاوي متعصب اللي قالي الكلمة دي

ههههههههههههههههههههههه

وبعدين فيها ايه لمانكسب بغلطات الفرق الاخرى

ولا دي مش كورة بقى ؟؟؟

مش بيقولك اضغط على الخصم يغلط ؟؟!!!!! وانتو كنتو مضغوطين وغلطوا وخسرتوا

هههههههههههههههههههههههههه

والاهلي ديما بيكسب ويفوز سواء بغلط او من غير غلط بنكسب بعون الله

موضوع الحضري بقى هوا بالفعل مش عجبني بس متنساش ان الحضري اسطورة وغير كدا تدخل السلطات في الموضوع ودا شئ غصب عني وعنك وعن العالم كلة

هههههههههههههههههه

وبلاش دي
تعالا في موضوع احمد السيد بقى

طبعا الفريق لازم يقف جمبة اصله مش فريق مركز شباب الحبانية مثلا علشان يسيبة مثلا

وبعدين ياعم انا مقولتش انه مش غلطان

بس اقولك المتهم برئ حتى تثبت ادانتة !!! ولا انت شايف ايه

وبلاش دي

فاكر انت موضوع مدحت عبد الهادي وفضحتة مع شمس ولما اجبرتوا اللاعب يصلح غلطة ويجوزها ؟؟؟

بلاش دي

فاكر انت

جمال عبدالحميد وموضوعه مع فله !!!؟؟؟؟

ياعم اللي بيتة من ازاز ميحدفش الناس بالطوب بقى

هههههههههههههههههههههههه

وبعدين لو الاهلى ف انهيا بالصلاه على النبي بناخد كل البطولات

ولا دا نهيار بقى ههههههههههههههههههههههههههههه

ياراجل بلا كدب بقى ههههههههههههههههههههههه

وبعدين انا مش عايزك تزعل قوي كدا

دي رياضة مش هناخد منها حاجة غير لثواني بس

وعلى العموم تاني بقولك الله يبارك فيك وعقبالكو لما تخدوا الكاس بقى

**ادمنت هواك** · 03-16-2008, 08:30 PM

هههههههههههههههه

والله العظيم انا مستنى الرد ده وموضوع الجزمة ده كمان
تعالالى بقى

مش ده حصل فالماتش اللى قبل اللى فات ؟!
بعد ما اتشتم من جماهير الاهلى
ولا تحب اقول الاهلوية قالوا ايه ؟!
يا راجل ده لو يهودى مش هتعملوا كده

وباعتراف ادارة الاهلى نفسها ان اللى حصل ده غلط وما يصحش
وحاجة تانية كمان بقى فكرتنى بيها
الاستاذ اللوا المعلم المعلق الشريف العفيف مدحت شلبى قال ان جماهير الاهلى ما شتمش وبيقول جماهير الزمالك اللى شتمت
يا اخى بالعقل جماهير الزمالك اللى هتشتم شيكابالا ؟!
واخويا كان فالاستاد وقالى عاللى حصل
وشادى محمد طلع لجماهير الزمالك الجزمة وقلعها والمخرج التلفزيونى مجبش الصورة دى
ولا ده حلال والتانى حرام ؟!!!!!!

هههههههههههه
وحاجة تانية نسيتها
ايه المشكلة يعنى انه بيلعب بكعبه ؟!
الراجل حريف وبيعرف يلعب انتوا مالكوا ؟1
كسبوا الماتش يا اخى مبروك
بتشتموه لييييييييييييييييييييييييييييييييييييييه ؟!

واه فى انهيار فالنادى الاهلى نادى المبادئ والاخلاق
اى اخلاق واى مبادئ ؟!

يا اخى انا بزعل لما اشوف الكلام ده والله ومش عشان زملكاوى والله
الماتش اللى فات قالوا شيكابالا رد بالجزمة على جماهير الاهلى
دلوقتى ايه العذر ؟؟!!!!!1

ولا برنامج اتكلم فالموضوع ده
لكن لما شيكا رد الكل طلعله لسان

انا معنديش مانع انى اتقبل الاعلام الاحمر بس يقول ويعترف انه اعلام احمر
وبعدين موضوع مدحت عبد الهادى ده هو مدحت اتحبس امتى ؟؟؟؟؟!
ياخى والله حرام عليك انك بتبرر شتايم بالشكل ده

قول انك اه كسبت وقول ان الجماهير فالاستاد غلطت
خليى فيه شجاعة ادبية بكده

تحياتى

**Eltair** · 03-18-2008, 06:03 AM

حبيبي انا مقولتش انهم فعلا غلطوا وشتموة

بس مين اللي ابتدى معاهم بقى ؟؟؟؟

ولا هما من نفسهم كدا شتموة مثلا ؟

مكان في 11 لاعب في الزمالك ليه دا بالاخص

بلاش دي

انا اكلمت عن 2 لاعيبة في الزمالك وكل واحد فضيحتة قد كدا ههههههههههههههههه

اللهم لا شماتة يارب بس انا بعرفك ان دول ناس عادين بشر يعني لكل واحد اخطاءة ويعاقب عليها

وبردو ميمنعش ان الفريق يقف معاه لو شايف ان ليه اي مبررات او اعتزر او او او

وموضوع شادي بجد انا مسمعتش عنه

وغير كدا ايوا احنا كسبنا

بس انت بدل متقول مبروك جي تغني في مواضيع خلصت وعدت وكلنا عارفين الاسباب بتاعت الشتيمة

مش هقولك بالفعل صعب علينا كلنا (ممكن تفكر اي تفكير تاني )

بس انا اعرف حاجة واحده لكل فعل رد فعل ودا رد فعل بعض الجماهير مش كلهم

وزي ما قولت ليك انا بعيني شايف جماهير الزمالك بعد الماتش بتشتم في الفريق والادارة وشيكا

اما بخصوص انه حريف او مختلفناش في دي

بس مش دا الماتش اللي يعمل فيه كدا

فريقة مغلوب وكل كورة بالكعب

يابني دا عدم تركيز اساسا في الماتش وناس بتلعب لوحدها

وكل كورة تتقطع منة او تطلع بره الملعب

ماتش زي دا لازم يلعبوا صح على الاقل يظهروا قدام جماهيرهم بمنظر كويس

الماتش باظ من الاستخفاف بتعكو بجد وكان شئ متوقع ان الاهلي يكسب ودا كلام كل الزملكاوية

وبعدين جي في الاخر تقول بتقبل الاعلام الاحمر

طيب يعني حتى لو مش متقبله هيحصل ايه مثلا ؟؟؟

معندك الغندور خنق ابونا بام البرنامج بتاعه وانحيازة لاي لاعب في الزمالك وفضح الدنيا على احمد السيد وشعلل موضوع الحضري

بس هنعمل ايه

بنكبر دمغنا ونروح نتفرج على الاعلام الاحمر

يعني كل فريق وليه اعلانة ومساندية يعني احمد زي الحج احمد

ههههههههههههههههههههههههههههههههههههه

صدقني احنا كسبنا بجد وكنا مستنين مبروك حقيقي بس انتو ديما كدا

هنعمل فيكو ايه بس؟؟

هههههههههههههههه

**ادمنت هواك** · 03-21-2008, 01:22 PM

طب هقلك على حاجة هريحك بيها
مفيش زمكاوى بيحب الجيل ده كله من اللعيبة
وباختصار شديد كان الفرق فى المكسب والخسارة بين الاهلى والزمالك تلات ماتشات بس
دلوقت بسبب اللعيبة دى بقى اتناشر ماتش
فما تقوليش ان فيه زملكاوى بيحب اللعيبة دى
بس انا هنا بتكلم على حاجة محددة
ليه الراجل بيتشم على سواده ؟!
حرام يا اخى

**Eltair** · 03-23-2008, 03:57 AM

انا معاك في دي يا ادمنت

بس متنساش انه قبل كدا ابتدى

وبعدين من امتى في مصر بنبص لحد انه اسود او ابيض او احمر حتى

محصلتش ولا هتحصل

دي بس اسلوب غيظ للاعب بس

وطبعا انا ضد الهتافات دي

بس البادي اظلم بردو

يعني من الاخر بحملة جزء من الخط

لو مغلطش الماتش دا

غلط في اللي قبله وعلشان كدا الجماهير كانت بترد عليه

وعلى العموم حصل خير

وتمنياتي لكم بالتوفيق في النهائي ان شاء الله

علشان بجد والله جماهير الزمالك في حاجة الى البطولة دي

ونفسي الزمالك يرجع زي زمان بقى علشان تبقى في منافسة بجد زي بتاعت زمان

**ادمنت هواك** · 03-23-2008, 12:34 PM

يا اخى فيه الف اسلوب واسلوب غير كده

بس مش كده
فيه موضوع والله قدامى مش عايز انزله عن ايتو وشيكابالا والجنس الارى عشان خلاص انا مش
عاجبنى الموضوع وبيضايقنى عشان اتكلم فيه بجد