نقابة الاطباء ترجئ الإضراب وتتصدى لمحاولة فصل وزير الصحة

**ادمنت هواك** · 03-22-2008, 05:53 PM

القاهرة- محرر مصراوي- أنهت الجمعية العمومية الطارئة لنقابة الأطباء المصريين يوم الجمعة أعمالها بتفويض النقابات الفرعية بإجراء الاحتجاج المناسب كل على حدة يوم الثالث والعشرين من أبريل وفقا لما تراه كل نقابة فرعية.

وقالت صحيفة "الخليج" الاماراتية ان الجمعية قررت استمرار العمل بجدولها السابق وتفويض مجلس النقابة لبحث مشروعية القرار الوزاري الخاص بحظر الإضراب والتفاوض مع الحكومة حول الكادر الخاص بالأطباء.

وكانت الجمعية العمومية قد بدأت أعمالها وسط حضور ضعيف عكس حالة الاستياء التي سيطرت على جموع الأطباء بفعل تراجع مجلس النقابة عن قرار الإضراب العام وهو ما أثار حالة استهجان واضحة.

ورفض مجلس النقابة مشروع قرار بسحب عضوية الدكتور حاتم الجبلي وزير الصحة من النقابة رغم تعدد الأصوات المطالبة بذلك داخل الجمعية العمومية، وهو ما أحبطه الدكتور حمدي السيد نقيب الأطباء بالتهديد بالخروج من القاعة، مؤكدا أنه ليس من سلطة الجمعية سحب عضوية أي طبيب.

يذكر أن النقابة العامة تلقت خطابا من وزير الصحة الدكتور حاتم الجبلي بتعديل أجور الأطباء، حيث يقضى برفع مرتب الطبيب النائب من 250 إلى 1000 جنيه، وطبيب الطوارئ إلى 1500 جنيه؛ كما تم تعديل النوبتجيات من 8 جنيهات إلى 45 جنيها للنائب، والأخصائي 75 جنيهاً- بدلاً من 18، والاستشاري 100 جنيه، على أن يطبق منذ الأول من يوليو 2008.

**ام العيال** · 03-23-2008, 06:32 PM

يعني كان لازم اضراب عشان الحكومة تتحرك ما كان من الاول ولا يعني الحكومة ما تعرفش ان اجور الاطباء متدنية ولاتكفي الحد الادني من العيشة الكريمة
لكن اهه حصل اي نعم بلوي الدراع بس حصل
مبروك ليك ادمنت ولكل الاطباء وعايزين عزومة من اول مرتب بعد العلاوة والانصاف
تقبل مروري

**ادمنت هواك** · 03-24-2008, 01:51 PM

ههههههههههههههههههه

طب هقلك على حاجة يا ام العيال

انا لسة متعين اهو
عارفة مرتبى كام
وانا تعيينى فسوهاج ؟
يعنى مسافة فمكان نائى جدا جدا

مرتبى 240 جنيه فقط
ومش هقبضه كمان الا بعد ست شهور

ايه رايك بقى ؟1
انا لو روحت مواصلاتى بس 160 جنيه رايح جاى وبقطر مش عربية مخصوص ولا سوبر جيت ولا حاجة يعنى

ايه رايك ؟!

**ام العيال** · 03-24-2008, 01:56 PM

لا والله ودول بقي بدل ايه بالظبط بدل سفر ولا امراض وأوبئة ولا معيشة غلاء ولا بدل ما الاطباء تشحت
لكم الله لا وايه كل الي يتكلم يقول دا دكتور وعلي قلبه قد كده
حقيقي منتهي الظلم والاجحاف الله يكون في عون اصحاب العائلات

**ادمنت هواك** · 03-24-2008, 02:17 PM

لا دول يا ام العيال بدل ما نشحت
هههههههههههههههههه

يا بنتى انا فيومين قعدتهم صرفت 350 جنيه
فتخيلى لو قعدت قعدت اكتر من كده هصرف كام ؟