جزرة ولا بيضه ولا حبه بن؟؟؟؟؟؟؟؟؟؟؟

**ملكة الاحساس** · 07-14-2007, 08:32 PM

[align=center]النهارده موضوع جديد

هاحكى لكو حدوته صغيرة

ومش هكتب نهايتها

بس هسال سؤال فى الاخر

ومن اجاباتكو هنحلل شخصية كل واحد

بسم الله

دخلت البنت الصغيرة على والده وقالت له

انا مدايقه اوى النهارده

بصلها الاب ومن غير كلام

قام ومشى لغايه المطبخ

وجاب 3 اوعيه وملاهم ميه

وولع عليهم

وحط فى الاول جزرة

وفى التانى بيضه

وفى التالت ملعقه بن مطحون

بصت البنت للى والدها عمله

وسالته؟؟؟؟؟؟؟؟؟؟؟؟؟؟

ايه الى انت بتعمله دا

انا بسالك وانت بتحط حاجات على النار

بصلها الاب بحنان وطبطب عليها

وسالها

تحبى تبقى زى مين فيهم؟؟؟؟؟؟؟؟؟؟؟؟

الجزرة

البيضه

ملعقه البن

والان صديقى المار على الموضوع

اسال نفسك واجب

وبعدها اقولك التفسير

ايهم انت؟؟؟؟؟؟؟؟؟؟؟؟؟[/align]

**INJURED MAN** · 07-14-2007, 09:42 PM

سؤال جميل اوى اوى

بس تفتكرى

انا ممكن اوافق اتحط فى حله والنار تولع تحتى واتسلق ؟؟

معتقدش يعنى

اجابتى : ولا دى ولا دى ولا دى

اروح اشغل التكييف احسنلى

**ملكة الاحساس** · 07-14-2007, 10:20 PM

يا لهوتى وهو انا قولت اولع فيك

اقصد اولع عليك

انا بقول انت مين فيهم

وانا هفهمك بعدين الاختيار هيدل على ايه

يالا رد عليا؟؟؟؟؟؟؟؟؟؟؟؟؟؟؟؟؟؟؟؟

**احمس رع** · 07-15-2007, 01:57 AM

موني ا لعزيزة انت بقيت تخوفين
انا اقر باني وكتير من الناس
يحتاجوا علاج نفسي
يلا اتوكل علي الله واختار
اختار
اختار
اختار الجزرة
بس والنبي لوحاجة موش كويسة مترديش علية( الله حليم ستار)هههه

**ملكة الاحساس** · 07-15-2007, 04:02 AM

صديقى اللدود

مرحبا بك فى الموضوع

بس والله مش موضوع وحش او حلو

دا مجرد اختبار صغنن لشخصيتك

وانا مش هقول الردود الا لما يكون عندى ردود للتلات انواع

تقبل تحياتى ايها الصديق

**احمس رع** · 07-15-2007, 05:44 AM

بالله عليك موني
مين يقدر يصبر
طول الوقت الواحد قاعد بينه وبين نفسه
انا كويس ...... موش كويس
لنا كويس ........ موش كويس
انا جزرة اووووووه انا كويس ..... موش كويس
ياريت تردي علي والباقيين بعدين
تقبلي مروري علي موضوع تخصصي مميز لمشرفة مميزة
مع تقديري

**ملكة الاحساس** · 07-15-2007, 01:35 PM

ههههههههههههههههههههههههههههه

معلش بقا

مهو لازم التلات اختيارات علشان ارد

لانه كل اختيار بيدل على طبيعه شخص

ومش عاوزة اوضح المعنى علشان اتعرف على الشخصيات عن قرب

**INJURED MAN** · 07-15-2007, 01:39 PM

هههههههههه

طيب امرى لله

بيضه وانا وحظى بقا

واطلب الاختيار التالت يكون ليكى خصيا

وتبداى الاجابه

**ملكة الاحساس** · 07-15-2007, 02:14 PM

[align=center]طيب مع انه كدا مش ينفع

بس دى اخر مرة اساعدكو

بسم الله

انتو فاكرين القصه الى حكيتها

دخلت البنت الصغيرة على والده وقالت له

انا مدايقه اوى النهارده

بصلها الاب ومن غير كلام

قام ومشى لغايه المطبخ

وجاب 3 اوعيه وملاهم ميه

وولع عليهم

وحط فى الاول جزرة

وفى التانى بيضه

وفى التالت ملعقه بن مطحون

بصلها الاب بحنان وطبطب عليها

وسالها

تحبى تبقى زى مين فيهم؟؟؟؟؟؟؟؟؟؟؟؟

اجاوبك بقا

لو اعتبرنا انكو تلاته فى (( الجزرة / البيضه / ملعقه البن ))

وقدامكو مشكله

(( الماء المغلى))

الجزرة كانت صلبه

ولانت بعد مواجهتها للمشكله ( نضجت الجزرة واصبحت لينه بعد صلابه)

البيضه صلبه من الخارج ولكنها لينه فى الداخل

امام المشكله اصبح قلبها قاسى مثل مظهرها

اما ملعقه البن

فهيا قد تمكنت من تغيير طبيعه المشكله واندمجت معها وسايرتها

ذوبان البن فى الماء وتغيير طبيعه الماء

الان هل عرفت من تكون

عند ما تقابل مشكله

تحب تكون مين فيهم[/align]

**INJURED MAN** · 07-15-2007, 02:17 PM

احب اكون ملعقة البن بعد كدا

شكرا يا مونى على الافاده