قادني حظي العثر أن اشاهد برنامج الحقيقة للصحفي وائل الابراشي وليتني ما شاهدته فلقد أدماني ما رأيته وسمعته من اهل وأصدقاء البمبوطي محمد فؤاد شهيد واقعة قناة السويس وبينما يسرد أصدقاؤه وقائع المأساه ويشرح رئيس البمبوطيه اخلاق المهنة وكيف يمارسها البمبوطية
أطل علينا بصوته المستفز الدكتور /حسين سمير رئيس المجلس المحلي للنقل البحري السابق
وسأسرد لكم ما قاله عن السيناريو الذي رسمه للحادث قال الدكتور البيه يا سادة يا كرام ألاتي
(قال ايه اللنش اللي كان فيه محمد فؤاد واصحابه كان بيتسابق هو ولنش آخر علشان يروحو للسفينة التجارية اياها علشان يبيعو لها بضاعة والسفينة الحربية يا عيني الي كانت محملة اسلحة محرمة دولياً لما شافت الوضع كده خافت و أحست بالذعر من اللنشين الخشب لانه علي حد قوله بيخافو جدا واحاسيسهم مرهفة من بعد الحادي عشر من سبتمبر وان السفينة يا عيني بعتت طلقات تحذير لللنشين علشان يبعدو عنها لانها كانت مرعوبة و بتترج من الخضة ولما اللنشين ما استجابوش أضطرت أسفة انها تطلق الدفعات من الاسلحة المحرمة دوليا لا لتقتلهم ولكن لتخويفهم بس ،بس نصيبهم ان الطلقة جت في محمد ومزقت قلبه وعملت في صدره فجوة ) يعني من الاخر البمبوطية اشرار والسفينة الحربية كانت في موقف دفاع عن النفس
طيب نرد عليه نقوله ايه ردو عليه انتم بقي وخصوصا انت يا أدمنت ودولتلي وسام عايزة اعرف لما واحد المفروض انه مصري يسٌوف ويغير في الحقيقة بالشكل ده ننتظر ايه من الامريكان نفسهم
والله باين المنتدي دا هيتقفل قريب من اللي احنا عاملينه فيه ده
بس بصراحة عندك حق انا محروق دمي من ساعة ماسمعت النابغة ده وهو بيحكي الفيلم العربي بتاعه ووالله والله والله لو كان قدامي ساعتها كان ربي وحده اعلم انا كنت عملت فيه ايه
احنا فعلا اللي بنرخص رحنا انت بتقول لو حصل العكس هيحصل وهيحصل
ماهو من غير حاجة من دي ما تحصل هما فعلا اجتاحو مصر ومن زمان
من اول ما أجبرونا علي التطبيع مع اسرائيل وعقد اتفاقية الكويز اللي خلت الاسرائلين موجودين في كل مصر وغيره وغيره
رائعة د/ حسين سمير
العرض العادي
