 |
 |
 |
|
|
|
|
 |
 |
04-09-2008, 10:26 PM
|
رقم المشاركة : [1] |
|
موقوف
   |
عمدة النادي الاهلي
عمدة النادي الاهلي
 يعتبر فكري باشا اباضه عمدة النادي الاهلي كان بمثابه كبيرالعائله لشخصيته القوية و تاريخه المجيد و مواقفه الوطنيه كل هذا كان يوهله ليكون عمدة النادي الاهلي كان موعد فكري باشا اباضة ثابت في الخامسه بعد الظهر مع اصدقائه من اعضاء النادي الاهلي الكبار  طرائف فكري باشا اباظه (1) كان فكري باشا يتناول الشاي في النادي الاهلي مع اصدقائه و كان اشهرهم عمر عمر باشا ( النقيب الدائم للمحامين) و ذات يوم سال احد الحاضرين عن السر في الاسم الغريب (عمر عمر ) فقال فكري باشا : الاسم ده ليه قصه يا جماعه . ... ابو عمر راجل معيل ( عنده اولاد كتير) وكان كل مايجي عيل وحش يسميه عمر .............. الي ان جاء ولد اوحش من كده مفيش فبص ابوه في وشه وقال ده بقي اسمه عمر و كمان عمر وضحك الجميع .. فاراد عمرعمر ان ينتقم من فكري باشا فقال :كنت في الاسبوع الماضي .. باخد الشاي في حديقه الحيوان مع فكري اباظه و بعض الاصدقاء و كان كل همنا ازاي نخبي الباشا و احنا خارجين علشان محدش يشوفه.. لان لو حد شافه كان حيمسكه ويحطه في القفص فرد فكري باشا : الحكايه دي مظبوطه يا جماعة لو كان حد شافني كان حجزني لاني حيوان نادر اما عمر عمر ما كانش خايف لان زيه كتير في الجبلايه .. (2) ذات يوم كان فكري باشا اباظه يغادر مبني الاهلي بعد الغروب .. فالتقي عند الباب ب محمد الجندي لاعب الاهلي ينزل من التاكسي و معه فتاه شقراء فقال له بخبث : اهلا اهلا ابو الجنود .. ايه الحلاوه دي ... ايه الشياكه دي .. ايه القوام ده... ايه الجمال ده كله باسم الله ماشاء الله .. الحلوه دي منين يا ابو الجند ... من انجلترا قال الجندي محرجا : لا لا ياباشا دي مصريه فكري باشا : معقول الجمال ده كله من مصر قال الجندي متسرعا : دي تبقي بنت خالتي فقال الباشا بتريقه : فعلا فعلا شوف يا اخي و انا مش واخد بالي دي فيها شبه كبير منك فضحك كل الموجودين لان محمد الجندي كان اسود غطيس و اكرت الشعر و الفتاه شقراء و صفراء الشعر قال الجندي : بتضحكوا علي ايه .. البطن قلابه فكري باشا : قلابه ايه يا كابتن .. ده انقلاب ميقدرش عليه و لا جمال عبد الناصر  وبالصدفه وصل الي النادي الاهلي هاني كامل لاعب الاهلي و معه صديقه دينماركية ( ثم تزوج بها ) فدخل هاني كامل متابطا الفتاه في نفس الوقت كان فكري باشا متابطا سائقه الخاص حلمي لان الباشا كان نظره ضعيفا فقال لهاني كامل : بسم الله ما شاء الله .... هي ايه الحكايه النهارده ... مين دي اللي معاك ياهاني انت كمان ؟ فقال هاني ببرود مستغلا ان الباشا نظره ضعيف : لا ده واحد صاحبنا ... و مين اللي معاك ياباشا؟ فقال فكري باشا :و ده واحد صاحبنا برضه (3) اظرف مقلب شربه واحد من اصدقاء فكري اباظه .. كان هذا الصديق ريفيا ساذجا كانت الترامس( جمع ترمس ) غير منتشره بالارياف لذلك تعجب الصديق القروي من شكل الترمس و ساله عن الاناء الغريب فقال فكري باشا : ده بيحطوا فيه الطرشي و يسيبوه مده طويله فيبقي مخلل حلو قوي و ذهب صديقه و اشتري اكتر من ترمس .. و وضع فيهم الطرشي الذي تعفن بعد فتره و باظت الترامس  |
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
Powered by
vBulletin® Version
3.7.0
Copyright ©2000 - 2008, Jelsoft Enterprises Ltd.
SEO by vBSEO 3.2.0
العرض العادي
