اضراب 4 مايو القادم | يوم 4 مايو | اضراب 4-5 -2008

**INJURED MAN** · 04-14-2008, 04:53 AM

غلطة وعايز أصلحها

عايز أوضحلك المشكلة ثم أقدم الإعتراف .

تفضل .

أنا فى الثالثة والعشرين مؤهلى دبلوم صنايع وعندما كنت فى التاسعة عشرة أحببت واحدة وغلطت معاها غصب عنى وأحسست أنى أغضبت ربى وندمت كثيراً فواظبت على الصلاة واستغفرت الله وقررت أن أصلح خطئى بالزواج فتقدمت لوالدها لكنه رفضنى لأنه يريد أن يزوج أبنته من شاب حاصل على مؤهل عال والآن لا أعرف هل أتزوجها فى السر كى أصلح غلطتى وأضعه أمام الأمر الواقع ؟

وما رأى الفتاة ؟

البنت لحد دلوقتى مسلمة لى نفسها خالص.. يعنى لو قلت لها نتجوز لن ترفض فهى تريد إصلاح غلطتها .

وما هو مؤهلها ؟

كلية آداب قسم لغة إنجليزية على فكرة أنا دخلى معقول فلدى سوبر ماركت وعندى شقة وكده .

أكيد عندك شقة ، ولكن ألم تخبر الفتاة والدها بأنها متمسكة بك ؟

هى متمسكة بى لدرجة أنها كانت تريد ترك البيت كى تتزوجنى لكنها تركت لى هذا القرار وأنا أريد الزواج بها سراً ثم الذهاب إليه مرة أخرى .

ولكن أليس من الممكن أن تصارح الفتاة أمها ؟ ربما إستطاعت إقناع والدها .

خايفة تقول لها علشان ما تفضحهاش البنت نفسيتها تعبانة خايفة على حياتها ومستقبلها ولو تزوجتنى سترتاح مش عارف بصراحة .

ولا أنا كمان عارف

والله العظيم عايز أتجوزها بأى طريقة لأنى حاسس بإرتكابى جريمة فظيعة .

وهل مازالت الفتاه تحبك أم أنها لا تستطيع تركك بسبب الغلطة ؟

لا إنها تحبنى ولما حصلت الغلطة تمسكت بى أكثر .

كم مر على هذا الموقف ؟

أربع سنوات أى كان سنى تسعة عشر عاماً .

وهل تكررت هذه الممارسة ؟

لا غلطة واحدة بعدها تقدمت لها .

كم كان عمرك ؟

الكلام ده من حوالى أربعة أشهر بعدها طلبت منها أن تضغط على أهلها وأن تهددهما بترك البيت فى نفس الوقت منعتها من إفشاء سرنا لأى أحد لأنى كنت خائفاً عليها .

شوف ما يتم فى السر والخفاء عادة ما يكون سبباً لأرقنا ولذا لا أنصحكما بالزواج سراً لأن ذلك لن يحل الأمر ولن يريحكما .

لو لم أتزوجها فلن أستطيع مواصلة حياتى بعد فشلى فى مواجهة جريمة أرتكبها فى سن صغيرة والغريب أن أقرب قرار إلى ذهنى هو الزواج سراً .

فى رأيى أن المواجهة هى الأسلم .. فإلى متى ستستمر فى الكتمان ؟

سأحاول أقناعها بالإعتراف لوالدتها .

**ادمنت هواك** · 04-16-2008, 11:38 PM

لو عايزين راى

يتقدم تانى وتالت ورابع وخامس وعاشر لغاية لما يتجوزها بموافقة الاهل

وما يقلش لحد عاللى حصل

**ام العيال** · 04-18-2008, 07:54 PM

انا رأيي ان البنت تقول لامها لانها الوحيدة القادرة علي تغيير رأي ابوها واستحالة ان فيه أم ممكن تفضح بنتها بالعكس دي هي اللي هتتمسك ان الزواج يتم في أقرب وقت
(لكن مش معني اني بقدم اقتراح اني موافقة علي اللي حصل بين البنت والشاب)
وبعدين حكاية المؤهل ما بقتش زي الاول يعني مادام قادر يفتح بيت في الايام البيضة دي افتكر بشوية ضغط من الام المشكلة هتتحل

**eldawltly** · 04-18-2008, 09:42 PM

متهيألي ان راي أم العيال صح
وانا موافقها على نفس الرأي
بس أحب أزيد أن عليك بالاستعانه بالله والاخلاص بالدعاء له

**زينب عبد السلام** · 04-19-2008, 02:00 PM

وانا من راى ام العيال وادمنت يعنى يتقدم تانى ةتالت والبنت تقول لامهاوربنا يهدى الجميع والمفروض انى ده غلط من اوله

**Ntd** · 05-05-2008, 02:02 PM

فعلا عندكم حق ضرورى تقول لمامتها وهيه هتقنع باباها بالموضوع

**nonstoplov** · 05-07-2008, 07:49 AM

انا من رايى المواجهة وكشف السر هو اللى هيخلى الاب يوافق غصب عن انفة وطبعا مفيش اب هيفضح بنتة خصوصا انه عاوز يصلح غلطتة بالزاوج على سنة الله ورسولة فاحسن حل المواجهة وكشف السر هو دة الحل الوحيد عشان الاب يوافق علية ومن ناحية تانية زى ما قالت زينب وام العيال البنت تقول لامها على السر عشان الام تقدر تقنع الاب ومن غير فضيحة ولا حااااااااجة الفضيحة لو غلط وبعد كدة هرب لكن يانااااااااااااااااس دة عاوز يتجوزها
وزيى مابيقولوا الدوى على الويدان امر من السر مرة واتنين وتلاتة وانشاء الله هيوافق بس ابقوا اعزمونا على الفرح بقااااااا هههههههه

**Eltair** · 05-07-2008, 08:25 AM

الموضوع لو حد من الأهل عرفوا مش هيتنسي ابدااا وهتبقى وصمة عار عليهم حتى لو تم الجواز

والاكيد الاطفال في يوم من الايام هيعرفوا ازاي ابوهم وامهم اجوزا

صدقوني الموضوع مش سهل

وبردو محاولة الشاب للتقدم للاهل اكيد كويسة بس مش كافية

والزواج في السر غلطة لا تغفر ابدااااا

دي ملهاش حل غير الاتفاق على الجواز

ومحدش يعرف السر دا ابداااا ولا حتى امها

اكيد كتر الالحاح من البنت والولد هيوافق الاهل والاكيد انهم ممكن يحسوا ان شئ حصل بس الصح انه يفضل احساس من غير تأكد ولو حسوا بكدا اكيد هيوفقوا دون اي خساره من الاطراف

بس لو قالت ليهم اكيد ممكن يوافقوا بس ازاي دا يدخل بيتهم ويشفوه بعد كدا ويكلموا معاه وهوا سرق منهم اهم حاجة وهوا الشرف

والبنت هتبقى شكلها ايه وهيا جاب لاهلها العار ؟؟!!!

يبقى الولد يجرب ومييأسش والبنت تحاول معاه وتحاول تكسب احد الطرفين يا الام يا الاب

واقترح الام وسعتها يقدروا يقنعوا الاب

موضوع الفرق في المستوى التعليمي صح مش زي الاول بس دا يرجع لوضع الشاب الاجتماعي والمهني بردو

**@ green apple @** · 05-10-2008, 10:05 AM

اقتباس:

المشاركة الأصلية كتبت بواسطة ام العيال

انا رأيي ان البنت تقول لامها لانها الوحيدة القادرة علي تغيير رأي ابوها واستحالة ان فيه أم ممكن تفضح بنتها بالعكس دي هي اللي هتتمسك ان الزواج يتم في أقرب وقت
(لكن مش معني اني بقدم اقتراح اني موافقة علي اللي حصل بين البنت والشاب)
وبعدين حكاية المؤهل ما بقتش زي الاول يعني مادام قادر يفتح بيت في الايام البيضة دي افتكر بشوية ضغط من الام المشكلة هتتحل

انا متفقة مع راى الاخت ام العيال

وربنا يهديلكم الحال وييسرلكم امور زواجكم

ويستر عليكم ان شاء الله