كملى جمالك بربطة حجابك

**Eternal Love** · 04-23-2008, 06:26 PM

السلام عليكم و رحمه الله و بركاته

لو حابه تغيرى ربطة الطرحة التقليدية وعايزة تعرفي طرق جديدة لربط الطرح بألوانها الجميلة...

أسئله تجيب عليها مصممه الطرح " مروه حامد "

ليه فكرتِ في هذا المجال ومن أين تستمدين أفكار الربطات، خاصة أنها ليس لها علاقة بالموضة الغربية؟

أنا تعلمت الرسم بالزيت والفحم وأنا صغيرة وعرفت ازاي أتعامل مع الألوان وأخذت دروس في الماكياج والإتيكيت، واكتشفت إن الماكياج في مصر مختلف عن الغرب لأن عادة المصريين بيهتموا برسمة العين والشفايف وكريم الأساس، لكن في دول أوربا عندهم الماكياج بسيط للغاية يقتصر على المسكرة والروج فقط ودول الخليج بيركزوا أكتر على منطقة العين وتحديد العين والرموش لكن هناك أسس وقواعد الكل بيجتمع عليها.

كمان وجدت إن البنات عندها مشكلة كبيرة وهي إن البنت تكون عاملة ماكياج حلو ولابسة شيك لكن ربطة الطرحة مش حلوة ففكرت إني أتعلم طرق جديدة لربط الطرح والتعامل مع الطرحة كأنها شعر وأشوف الوجه وحجمه، وبناء عليه أقرر ربطة الطرحة المناسبة معاه، وباستمد أفكاري من خلال إحساسي ورؤيتي للوجه واللبس.

فالطرح السواريه مثلا مختلفة تماما عن لفات الطرح العادية وطبعا اللبس الكاجوال والكلاسيك لهم لفات خاصة في الطرح.

إيه هي أحدث خامات الطرح؟

كل فصل من فصول السنة له خامة، يعني في فصل الصيف ممكن نلبس الطرح الأقطان الخفيفة والشيفون.. وفي فصل الشتاء نلبس الطرح القطن الثقيلة شوية وهي موضة جدا السنة دي، أما الأورجانزا والتول والشيفون فممكن نلبسهم في أي وقت وبيناسبوا أكثر السهرات والسواريه.

أحدث أشكال ونقشات الطرح إيه؟

الألوان المتداخلة مازالت موضة والطرح الكاروه والطرح المنقطة والطرح اللي فيها كور موجودة بكثرة والطرح المقلمة..
ومعظم الخامات دلوقتي فيها لمعة وممكن نلاقي اللمعة الفضي والذهبي مع بعض، يعني مثلا تلاقي القماش كاروه أحمر وأسود وفيه لمعة فضي أو ذهبي ولون رصاصي وفيه لمعة فضي، والأشكال المنتشرة الآن الطرح الضخمة زي (الشال).

واللمعة اللي موجودة في الطرح ممكن نلبسها في النهار؟

معظم البنات كانوا متخوفين إنهم يلبسوا الطرح اللي بتلمع في النهار لكن دلوقتي أصبحت موضة جدا.

هل ربطة الطرحة الإسبانش تراجعت شوية؟

أيوه الربطة الإسبانش تراجعت وأصبحت منتشرة حاليا الربطة المنفوشة وخصوصا الطرح الصوف المنقوشة ونازلة على الظهر كله ووجود أكثر من طرحة مع بعض.

وإيه هي أحدث أشكال وأنواع البندانة؟

أولا أنا عايزة أنصح كل البنات بإنهم يلبسوا (البندانة القطن) في الأساس على شعرهم مباشرة لأنها مفيدة وصحية جدا وتمنع تساقط الشعر وتحافظ عليه وكمان بتساعد على وضع الدبابيس كويس ولا تساعد على تزحلق الطرحة...

وعلى فكرة البندانة دلوقتي بقت بديل عن الطرحة، يعني تقدر البنت تضع أكثر من لون للبندانة على إنهم طرح ملونة وتضع في النهاية طرحة واحدة في الواجهة، وفيه أنواع كثيرة من البندانة زي البندانة "الليكرا "- "شيفون"- "التول". وعرضها 10سم وطولها 30 سم وكمان البندانة المستطيلة والبندانة الكاملة على الرأس وممكن البنت تلبسها بطريقة مائلة والعكس.

هل ممكن البنت تستخدم الطرحة لإخفاء عيوب الوجه والمناطق الضخمة في وجها؟

آه طبعا.. أكيد..

طيب ازاى؟

شوفي لو مثلا البنت وجهها طويل يبقى تحاول تعمل الطرحة لتحت في اتجاه الخلف أو على جنب، وبعدين تقصر الجبهة وتضيف أي حاجة على الجانب علشان الوجه يبان إنه عريض.
وخلّي بالك إن الوجه الطويل لا يتناسب معاه الربطة العالية لأنها هتطوّل الوجه أكثر.

طيب لو بنت وجهها مدوّر؟

يبقى بلاش تلف الطرح على جنب إطلاقا لأنها تزيد من مساحة (الخدود) وتعمل الطرحة للخلف، لتحت أو لفوق، وممكن تعمل الطرحة شينوه لفوق، وممكن تعمل الربطة ديل حصان لفوق عشان الوش يكون رفيع.

والوجه المربع أو المستطيل؟

الوجه المربع والمستطيل بيكون عنده أربع بذور، اثنتين في الجبهة واثنتين في الفكين وعلشان كده لازم تنزل بالطرحة لتحت شوية ونعمل (كروس) طرحة عكس الثانية والطرحة بتساعد إن الوش يكون رفيع وتحاول تداري الجبهة وتحاول تنزل بالطرحة على الجبهة وتقفل الجبهة.

والوجه البيضاوى؟

معظم الربطات تمشي معاه وممكن تعمل ربطة على جنب أو تقفل من قدام أو تعمل كروس.

طيب صاحبة الأنف الكبير تعمل إيه؟

صاحبة الأنف الكبير بيكون عندها مشكلة في الحجاب لأن أنفها ظاهر وواضح في الوجه وفي هذه الحالة ماينفعش معاها إننا نعمل إسبانش للخلف أو طرحة هابطة وماسكة على وجهها فتحاول إنها تلبس طرحة منفوشة شوية أو تضع إكسسوار أو تعمل أكتر من طبقة أو تدخل أكثر من بندانة عشان تخطف العين ولا تجعل التركيز على أنفها.

لو الشفايف كبيرة نعمل إيه؟

نفس الحكاية تحاول تلفت النظر بأي شيء يبعد التركيز عن وجهها وتعمل ماكياج كثير على عينها والطرحة تكون منفوشة وتغير في الربطات والألوان.

نتكلم بالتفصيل شوية عن شكل الربطة المناسبة للبنت في الجامعة؟

ربطة الطرحة لازم تكون بسيطة وخفيفة فممكن تستخدم طرحة أو طرحتين على الأكثر.. يا ريت تحاول تبعد عن الألوان الكثيرة وتكون رقيقة على قد ما تقدر وتبعد تماما عن التول والأورجانزا. وتاخد بالها كويس جدا من لبسها فلو مثلا لابسة حاجة سادة يبقى ممكن الطرحة يكون فيها ألوان، لكن لو لابسة حاجة ملونة أو فيها نقوش يبقى لازم الطرحة تبقى سادة.

وممكن البنت تنوع في شكل ربطة الطرحة بتاعتها وهي رايحة الجامعة فممكن إنها تعمل ربطة إسبانش، بس تاخد بالها إنها تلفها زي الكحكة وتجيبها على قدام، ولو مش عايزة إسبانش يبقى تربطها عادي بطرحة أو طرحتين أو طرحة وبندانة.

عايزين طريقة لفة طرحة تكون روشة؟

1 - نجيب إيشارب واحد نربطه من الخلف طرف طويل وطرف قصير.
2 - الإيشارب الثاني نمسكه بطريقة مائلة ونربطه من الخلف.
3 - كده أصبح عندي أربعة أطراف في الخلف، 2 قصيرين و2 طوال.
4 - بعد كده أجيب واحد من الطرفين الطوال وأطلع بيه عدل وأربطه تاني للخلف.
5 - كده المنظر أو الشكل عدل بميل واللي بعده عدل.
6 - هيكون باقي عندي طرف طويل وطرفين قصيرين.. في هذه الحالة ممكن أجيب الطرف الطويل ألفه على الكحكة وأجيب الثلاثة أطراف على قدام.
7 - لو الأطراف طويلة أعملهم ضفيرة لقدام أو على الخلف.
8 - وممكن فكرة ثانية أجيب الطرف الطويل ألفه على الطرفين القصيرين وأمسكهم في النصف بإكسسوار على كحكة من وراء.
9 - إذن المنظر في النهاية هيكون من قدام عدل ومائل ومن الظهر الأطراف عاملة زي (ذيل الحصان) ومربوطة بإكسسوار.

ربطة الطرحة السواريه تكون عاملة ازاى؟

الأفضل تكون أكثر من طرحة وفي البداية:
1 - أبدأ الأساس بالطرحة الشيفون.
2 - بعدين أضع الطرحة التول عشان بيعطي للبنت شكل فخامة.
3 - وبعدها أضع إكسسوار زي (شريط ستان – سلاسل خرج النجف) أو قطعة من الفستان.
4 - وبعدها أقفل الطرحتين بأكثر من طريقة ممكن الشيفون والتول مع بعض لقدام أو المهم مع بعض كلهم شنيوه عالي لفوق.

عايزين نعرف طريقة ستايل لربطة التول والشيفون؟

1 - أجيب الطرحة الشيفون أربطها على شكل كحكة.
2 - أجيب الطرحة التول وألبسها من الخلف وأعملها كروس على قدام.
3 - أنزل بيهم تاني للخلف وكده هيعطيني شكل البندانة.
4 - بعد كده ألمهم كلهم مع بعض على تحت الشيفون مع التول.

عايزين نعرف طريقة ثانية لربط ثلاث طرح وتكون روشة؟

1 - الطرحة الشيفون أول طبقة.
2 - الطرحة الثانية أجيبها من نصف رأسي بالطول.
3 - الطرحة الثالثة التول أطلع بها كروس لفوق.
4 - أجيب الطرحة الشيفون اللي عملتها من نصف رأسي للوراء.
5 - أرجع تاني وأقفل (كروس) وأنزل كأني أدخلت الشيفون وقفلتها من المنتصف.
الشكل هيظهر عندي كالتالي:
6 - اللون الأول قفلت بيه شعري.
7 - بعدين طلعت بالتول كروس.
8 - وبعدين قفلت من النصف بلون ثاني شيفون.
9 - وكده هيكون شكل الألوان متداخلة. وقفلت المنطقة الأمامية.

بعد كده أعمل إيه؟

10 - هتكون عندي الأطراف للوراء.

أعمل فيها إيه؟

11 - لو وجهي مليان تكون الأطراف للوراء.
لو وجهي رفيع أجيب الأطراف للأمام.
لو جسمي قصير أرفع الأطراف لفوق.
لو جسمي طويل أنزل بالأطراف لتحت.

يتبع .....

**Eternal Love** · 04-23-2008, 06:30 PM

أنتظرونى فى الجزء الثانى

**Ntd** · 04-23-2008, 09:46 PM

موضوعك تحفة

انا بحب انوع فى لفة الطرحة

بس بقعد األف وفى الاخر بيطلع لفة جديدة

جزاكى الله كل خير

**Eternal Love** · 04-24-2008, 08:16 PM

جزانا و اياك كل خير أن شاء الله يا دينا
فعلا لفات طرح بتبقا ابتكار و فيها تفانين كتير

مشكور مرورك يا قمر

04-23-2008, 06:26 PM	رقم المشاركة : [1]
Eternal Love ادارة موقع ومنتديات ميكسات	كملى جمالك بربطة حجابك السلام عليكم و رحمه الله و بركاته لو حابه تغيرى ربطة الطرحة التقليدية وعايزة تعرفي طرق جديدة لربط الطرح بألوانها الجميلة... أسئله تجيب عليها مصممه الطرح " مروه حامد " ليه فكرتِ في هذا المجال ومن أين تستمدين أفكار الربطات، خاصة أنها ليس لها علاقة بالموضة الغربية؟ أنا تعلمت الرسم بالزيت والفحم وأنا صغيرة وعرفت ازاي أتعامل مع الألوان وأخذت دروس في الماكياج والإتيكيت، واكتشفت إن الماكياج في مصر مختلف عن الغرب لأن عادة المصريين بيهتموا برسمة العين والشفايف وكريم الأساس، لكن في دول أوربا عندهم الماكياج بسيط للغاية يقتصر على المسكرة والروج فقط ودول الخليج بيركزوا أكتر على منطقة العين وتحديد العين والرموش لكن هناك أسس وقواعد الكل بيجتمع عليها. كمان وجدت إن البنات عندها مشكلة كبيرة وهي إن البنت تكون عاملة ماكياج حلو ولابسة شيك لكن ربطة الطرحة مش حلوة ففكرت إني أتعلم طرق جديدة لربط الطرح والتعامل مع الطرحة كأنها شعر وأشوف الوجه وحجمه، وبناء عليه أقرر ربطة الطرحة المناسبة معاه، وباستمد أفكاري من خلال إحساسي ورؤيتي للوجه واللبس. فالطرح السواريه مثلا مختلفة تماما عن لفات الطرح العادية وطبعا اللبس الكاجوال والكلاسيك لهم لفات خاصة في الطرح. إيه هي أحدث خامات الطرح؟ كل فصل من فصول السنة له خامة، يعني في فصل الصيف ممكن نلبس الطرح الأقطان الخفيفة والشيفون.. وفي فصل الشتاء نلبس الطرح القطن الثقيلة شوية وهي موضة جدا السنة دي، أما الأورجانزا والتول والشيفون فممكن نلبسهم في أي وقت وبيناسبوا أكثر السهرات والسواريه. أحدث أشكال ونقشات الطرح إيه؟ الألوان المتداخلة مازالت موضة والطرح الكاروه والطرح المنقطة والطرح اللي فيها كور موجودة بكثرة والطرح المقلمة.. ومعظم الخامات دلوقتي فيها لمعة وممكن نلاقي اللمعة الفضي والذهبي مع بعض، يعني مثلا تلاقي القماش كاروه أحمر وأسود وفيه لمعة فضي أو ذهبي ولون رصاصي وفيه لمعة فضي، والأشكال المنتشرة الآن الطرح الضخمة زي (الشال). واللمعة اللي موجودة في الطرح ممكن نلبسها في النهار؟ معظم البنات كانوا متخوفين إنهم يلبسوا الطرح اللي بتلمع في النهار لكن دلوقتي أصبحت موضة جدا. هل ربطة الطرحة الإسبانش تراجعت شوية؟ أيوه الربطة الإسبانش تراجعت وأصبحت منتشرة حاليا الربطة المنفوشة وخصوصا الطرح الصوف المنقوشة ونازلة على الظهر كله ووجود أكثر من طرحة مع بعض. وإيه هي أحدث أشكال وأنواع البندانة؟ أولا أنا عايزة أنصح كل البنات بإنهم يلبسوا (البندانة القطن) في الأساس على شعرهم مباشرة لأنها مفيدة وصحية جدا وتمنع تساقط الشعر وتحافظ عليه وكمان بتساعد على وضع الدبابيس كويس ولا تساعد على تزحلق الطرحة... وعلى فكرة البندانة دلوقتي بقت بديل عن الطرحة، يعني تقدر البنت تضع أكثر من لون للبندانة على إنهم طرح ملونة وتضع في النهاية طرحة واحدة في الواجهة، وفيه أنواع كثيرة من البندانة زي البندانة "الليكرا "- "شيفون"- "التول". وعرضها 10سم وطولها 30 سم وكمان البندانة المستطيلة والبندانة الكاملة على الرأس وممكن البنت تلبسها بطريقة مائلة والعكس. هل ممكن البنت تستخدم الطرحة لإخفاء عيوب الوجه والمناطق الضخمة في وجها؟ آه طبعا.. أكيد.. طيب ازاى؟ شوفي لو مثلا البنت وجهها طويل يبقى تحاول تعمل الطرحة لتحت في اتجاه الخلف أو على جنب، وبعدين تقصر الجبهة وتضيف أي حاجة على الجانب علشان الوجه يبان إنه عريض. وخلّي بالك إن الوجه الطويل لا يتناسب معاه الربطة العالية لأنها هتطوّل الوجه أكثر. طيب لو بنت وجهها مدوّر؟ يبقى بلاش تلف الطرح على جنب إطلاقا لأنها تزيد من مساحة (الخدود) وتعمل الطرحة للخلف، لتحت أو لفوق، وممكن تعمل الطرحة شينوه لفوق، وممكن تعمل الربطة ديل حصان لفوق عشان الوش يكون رفيع. والوجه المربع أو المستطيل؟ الوجه المربع والمستطيل بيكون عنده أربع بذور، اثنتين في الجبهة واثنتين في الفكين وعلشان كده لازم تنزل بالطرحة لتحت شوية ونعمل (كروس) طرحة عكس الثانية والطرحة بتساعد إن الوش يكون رفيع وتحاول تداري الجبهة وتحاول تنزل بالطرحة على الجبهة وتقفل الجبهة. والوجه البيضاوى؟ معظم الربطات تمشي معاه وممكن تعمل ربطة على جنب أو تقفل من قدام أو تعمل كروس. طيب صاحبة الأنف الكبير تعمل إيه؟ صاحبة الأنف الكبير بيكون عندها مشكلة في الحجاب لأن أنفها ظاهر وواضح في الوجه وفي هذه الحالة ماينفعش معاها إننا نعمل إسبانش للخلف أو طرحة هابطة وماسكة على وجهها فتحاول إنها تلبس طرحة منفوشة شوية أو تضع إكسسوار أو تعمل أكتر من طبقة أو تدخل أكثر من بندانة عشان تخطف العين ولا تجعل التركيز على أنفها. لو الشفايف كبيرة نعمل إيه؟ نفس الحكاية تحاول تلفت النظر بأي شيء يبعد التركيز عن وجهها وتعمل ماكياج كثير على عينها والطرحة تكون منفوشة وتغير في الربطات والألوان. نتكلم بالتفصيل شوية عن شكل الربطة المناسبة للبنت في الجامعة؟ ربطة الطرحة لازم تكون بسيطة وخفيفة فممكن تستخدم طرحة أو طرحتين على الأكثر.. يا ريت تحاول تبعد عن الألوان الكثيرة وتكون رقيقة على قد ما تقدر وتبعد تماما عن التول والأورجانزا. وتاخد بالها كويس جدا من لبسها فلو مثلا لابسة حاجة سادة يبقى ممكن الطرحة يكون فيها ألوان، لكن لو لابسة حاجة ملونة أو فيها نقوش يبقى لازم الطرحة تبقى سادة. وممكن البنت تنوع في شكل ربطة الطرحة بتاعتها وهي رايحة الجامعة فممكن إنها تعمل ربطة إسبانش، بس تاخد بالها إنها تلفها زي الكحكة وتجيبها على قدام، ولو مش عايزة إسبانش يبقى تربطها عادي بطرحة أو طرحتين أو طرحة وبندانة. عايزين طريقة لفة طرحة تكون روشة؟ 1 - نجيب إيشارب واحد نربطه من الخلف طرف طويل وطرف قصير. 2 - الإيشارب الثاني نمسكه بطريقة مائلة ونربطه من الخلف. 3 - كده أصبح عندي أربعة أطراف في الخلف، 2 قصيرين و2 طوال. 4 - بعد كده أجيب واحد من الطرفين الطوال وأطلع بيه عدل وأربطه تاني للخلف. 5 - كده المنظر أو الشكل عدل بميل واللي بعده عدل. 6 - هيكون باقي عندي طرف طويل وطرفين قصيرين.. في هذه الحالة ممكن أجيب الطرف الطويل ألفه على الكحكة وأجيب الثلاثة أطراف على قدام. 7 - لو الأطراف طويلة أعملهم ضفيرة لقدام أو على الخلف. 8 - وممكن فكرة ثانية أجيب الطرف الطويل ألفه على الطرفين القصيرين وأمسكهم في النصف بإكسسوار على كحكة من وراء. 9 - إذن المنظر في النهاية هيكون من قدام عدل ومائل ومن الظهر الأطراف عاملة زي (ذيل الحصان) ومربوطة بإكسسوار. ربطة الطرحة السواريه تكون عاملة ازاى؟ الأفضل تكون أكثر من طرحة وفي البداية: 1 - أبدأ الأساس بالطرحة الشيفون. 2 - بعدين أضع الطرحة التول عشان بيعطي للبنت شكل فخامة. 3 - وبعدها أضع إكسسوار زي (شريط ستان – سلاسل خرج النجف) أو قطعة من الفستان. 4 - وبعدها أقفل الطرحتين بأكثر من طريقة ممكن الشيفون والتول مع بعض لقدام أو المهم مع بعض كلهم شنيوه عالي لفوق. عايزين نعرف طريقة ستايل لربطة التول والشيفون؟ 1 - أجيب الطرحة الشيفون أربطها على شكل كحكة. 2 - أجيب الطرحة التول وألبسها من الخلف وأعملها كروس على قدام. 3 - أنزل بيهم تاني للخلف وكده هيعطيني شكل البندانة. 4 - بعد كده ألمهم كلهم مع بعض على تحت الشيفون مع التول. عايزين نعرف طريقة ثانية لربط ثلاث طرح وتكون روشة؟ 1 - الطرحة الشيفون أول طبقة. 2 - الطرحة الثانية أجيبها من نصف رأسي بالطول. 3 - الطرحة الثالثة التول أطلع بها كروس لفوق. 4 - أجيب الطرحة الشيفون اللي عملتها من نصف رأسي للوراء. 5 - أرجع تاني وأقفل (كروس) وأنزل كأني أدخلت الشيفون وقفلتها من المنتصف. الشكل هيظهر عندي كالتالي: 6 - اللون الأول قفلت بيه شعري. 7 - بعدين طلعت بالتول كروس. 8 - وبعدين قفلت من النصف بلون ثاني شيفون. 9 - وكده هيكون شكل الألوان متداخلة. وقفلت المنطقة الأمامية. بعد كده أعمل إيه؟ 10 - هتكون عندي الأطراف للوراء. أعمل فيها إيه؟ 11 - لو وجهي مليان تكون الأطراف للوراء. لو وجهي رفيع أجيب الأطراف للأمام. لو جسمي قصير أرفع الأطراف لفوق. لو جسمي طويل أنزل بالأطراف لتحت. يتبع ..... ميكسات -- اخر مواضيعه 0 حذاء العروس (الجزء الرابع) 0 فن الرسم على الحائط (الجزء الرابع) 0 من كان حالفا فليحلف بالله 0 كيف تختارين كريمات التجميل ؟ 0 فى كل مرة تسمع فيها صوت الأذان تذكر ..... 0 مسابقة اليوم الثامن والعشرين في رمضان -_- 0 أحدث صور غادة عادل
Eternal Love ادارة موقع ومنتديات ميكسات	منتديات ميكسات - توقيع Eternal Love سبحان الله و بحمده سبحان الله العظيم تجهيزات و استفسارات عرايس مصر (أدخلى هنا)

04-23-2008, 06:30 PM	رقم المشاركة : [2]
Eternal Love ادارة موقع ومنتديات ميكسات	رد: كملى جمالك بربطة حجابك أنتظرونى فى الجزء الثانى ميكسات -- اخر مواضيعه 0 اتيكيت الرد على الهاتف 0 أحدث صور محمد حماقى 0 أكسسوارات رائعه للقدمين (الجزء الثالث) 0 كيفية وضع ظل العيون لكل شكل 0 فستان للعرايس المحجبات اول مره تشوفوه 0 فستان زفاف ملائكى 0 كيفيه اسعاد زوجك لتنالى صفه حور العين
Eternal Love ادارة موقع ومنتديات ميكسات	منتديات ميكسات - توقيع Eternal Love سبحان الله و بحمده سبحان الله العظيم تجهيزات و استفسارات عرايس مصر (أدخلى هنا)

04-23-2008, 09:46 PM	رقم المشاركة : [3]
Ntd Mixxawy ViP	رد: كملى جمالك بربطة حجابك موضوعك تحفة انا بحب انوع فى لفة الطرحة بس بقعد األف وفى الاخر بيطلع لفة جديدة جزاكى الله كل خير ميكسات -- اخر مواضيعه 0 ثلاث طرق لإعدام صرصور بالصور 0 هل تعلم .. البخور أخطر من تدخين السجائر وعادم السيارات 0 ماذا تفعل لو قال لك شخص بأنك ؟؟؟؟؟؟؟؟؟؟؟؟؟ 0 هل تخجل من لهجتك العاميه ؟؟؟؟؟؟؟؟؟؟؟؟؟؟؟؟؟ 0 تقارير المشاركات ؟؟؟؟؟ 0 بالصور يصنع طاولة طعام بداخلها جثة زوجته 0 للمجانين فقط أنا حذرت مفيش حد عاقل يدخل
Ntd Mixxawy ViP

04-24-2008, 08:16 PM	رقم المشاركة : [4]
Eternal Love ادارة موقع ومنتديات ميكسات	رد: كملى جمالك بربطة حجابك جزانا و اياك كل خير أن شاء الله يا دينا فعلا لفات طرح بتبقا ابتكار و فيها تفانين كتير مشكور مرورك يا قمر ميكسات -- اخر مواضيعه 0 مجموعة ربطات حجاب و مكياج مختلف للنهار و السواريه (فقط على ميكسات عيش طعم التغيير) 0 نكت منوعه من Eternal و بس (الجزء الأول) 0 طريقه عمل تسريحه العروسه (بالصور) 0 كلمات من ثلاث حروف ولكن تهز القلوب 0 ملف محلات و أتليهات فساتين الأفراح (داخل مصر) 0 حركات تخلى زوجك يبوس راسك 0 فساتين خطوبة للمحجبات من تصميم هبه ادريس (الجزء الأول)
Eternal Love ادارة موقع ومنتديات ميكسات	منتديات ميكسات - توقيع Eternal Love سبحان الله و بحمده سبحان الله العظيم تجهيزات و استفسارات عرايس مصر (أدخلى هنا)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري