طريقة عمل البصارة عشان الحق اعلم بنات المنتدى الطبخ قبل ما يتجوزوا ههههههههههههه

**ادمنت هواك** · 04-25-2008, 03:18 PM

المقادير :

حاجه عند العلاف أسمها فول مدشوش ممكن ربع كيلو مبدئيا

شبت وبقدونس وكثبرة

بصل لزوم التقلية

ملح وكمون وشطة

كام فص ثوم

بس مفيش مقادير غير كده

الطريقة :

بعد غسيل الفول نضعه فى الحلة وعليه ماء ويقطع عليه بصلة

والخضره ويترك حتى السوا نسيت كمان نحط كام فص ثوم

ثم يرفع من على النار ويضرب فى الخلاط أو يصفى من المصفاه

ونعيد وضعه على النار ونضع الملح والكمون والشطة ونقوم بتحمير

بصلة مقطعة صغير ونضعها على الفول بالزيت المقلى فيه البصلة

وفى حاجه دى سر المهنة محدش يعرفها علشان تطلع البصارة قوامها

مناسب نضع ملعقتين نشا فى ماء بارد ونضعهم على البصارة ونقلبها جيدا

وهى بتغلى على النار تقوم تطلع ما تتهزش فى الطبق

وبعدين نضع البصارة فى أطباق ونتركها تبرد ونكون حمرنا البصل المقطع

صغير مع قليل من الثوم المقطع أيضا ووضعه فى مصفاه أو على ورق زبده

حتى يجف منه الزيت ثم نضعه على الأطباق

**Eternal Love** · 05-01-2008, 10:46 AM

بجد ميرسىىىىىىىىى يا ادمنت على الوصفه
انا بحب البصاره جدا

**ادمنت هواك** · 05-03-2008, 05:52 PM

ماشى يا اترنال
بالهنا والشفا

ومنورانى

**سمسماية** · 05-03-2008, 07:49 PM

اكيد راح يكون طعمها روعة
تسلم عليها محمد
جزاك الله خيرا