أولا : شكرا ليك يا أدمنت على الطرح الجميل ده
ودي اجاباتي الشخصية لاسئلتك
س- منذ متى بدأت باستخدام النت؟
ج : من أول مدخل النت مصر وكان زمان بكروت شحن زي المحمول وكان عليه باسوورد و يوزر نيم بس الدخول كان محدود زمان , داوقتي بعد ال dsl تقريبا طول اليوم
س- ماذا شدك للنت هل هو مجرد فضول ام لزيادة الثقافه والمعرفه ام لصقل مواهب معينه تتمتع بها ؟
ج: في الاول كنت عايز أعرف يعني ايه نت دلوقتي صعب اقفله بسبب ظروف شغلي والايميلات اللي على طول طبعا في حاجات لغاية وقت قريب كنا بنستخدمها وخلاص اتكهنت زي البريد والفاكسات بالاضافة ان كمبيوترات الشركة على مستوى الجمهورية مربوطة بالنت
س- هل تقبل الاهل لاستخدامك الانترنت فورا ام كان هناك تردد ؟
ج: أبدا انا عن نفسي بحب كل حاجة جديدة وأحب أكون من أول من استخدمه
- هل تغيرت حياتك بشكل عام بعد دخولك عالم النت ؟
ج: طبعا حاجات كتير زمان كانت صعبة زي حجز المؤتمرات والترتيب للاجتماعات والتواصل بين الناس زي ما احنا بنعمل دلوقتي بالاضافة أي حاجة نفسك تشوفها بتجيبها في ثانية أي معلومة عايز تاخدها في ثانيه عندك
س- هل كانت نظرتك للنت هي نفسها قبل استخدامه ام تغيرت؟
أكيد اتغيرت في الاول أول ما عرفناه في مصر كانت المواقع قليلة جدا وانا فاكر ماكنش في موقع مصري غير موقع واحد هو مصراوي وكانت المعلومات بتاخدها صعبة بالاضافة ان مش كل اللي كنت تعرفهم عندهم نت ولا حتى ميل دلوقتي كل الناس بقى معاهم ميلات وعندهم نت
س- هل وجدت ضالتك اللتي كنت تبحث عنها في النت ام لم تجدها حتى الان؟
ج: ضالة ايه بالظبط؟؟؟
- هل أثر النت على حياتك الاسريه والروابط العائليه سلبا ام لا؟
ج: طبعا اختي مسافرة بنكلمها على طول كأنها معانا صوت وصورة شوف التليفونات كانت تتكلف كام؟وعندي برضه مجموعه من أصحابي مسافرينعلى طول متفقين على ميعاد معين نتقابل على الياهو ماسنجر
س- هل جربت يوما ما الدخول الى غرف الشات وان جربتها هل صدمت من واقع شبابنا وبناتنا المؤسف في تلك الغرف الفارغه .. وهل ندمت على دخولك لتلك المواقع؟
ج: عن نفسي عمري مادخلت موقع شات والى الان ما بعرفش ازاي بتتعمل ومش بفكر
س- ماهو رأيك بالمنتديات العربيه وتأثيرها ؟
ج:جميلة جدا جدا جدا ومليئة بحاجات جميلة جدا جدا , احنا ما عدش عندنا وقت للقراءة المنتديات والمعلومات اللي فيها عوضت النقص ده زائد ان المنتديات ومنها ميكسات بتحتوي علىكل اللي انت عايزه في يومك من اخبار لصحافة لفنون لصور لنكت لمعلومات طبية .........الخ
س- ماذا سيكون موقفك لو تم الغاء النت نهائيا في بلدك؟
أكيد هزعل وها اضايق لان عندي شغل كتير هيقف وهيتعطل وهنضطر نرجع تاني لأيام زمان لما اللي كنت بخلصه دلوقتي في دقائق هاأرجع واخلصه في أيام
موضوع جميل يا دكتور ادمنت وبجد كل مواضيعك جميله جدا وانا بحب ادخل اشارك فيها
- منذ متى بدأت باستخدام النت؟
من سنة 2000 لما دخلت الثانوي
- ماذا شدك للنت هل هو مجرد فضول ام لزيادة الثقافه والمعرفه ام لصقل مواهب معينه تتمتع بها ؟
في اول الامر كان فضول عشان كنت عايز اعرف ايه هو النت ده وبيدخلوا عليه ازاي وبيعملوا ايه وبيستفادوا ايه
بس اكيد دلوقتي اتغيرت حاجات كتير لما اكون محتاج اعرف اي معلومه طبعا لاوم الجأ للنت .
- هل تقبل الاهل لاستخدامك الانترنت فورا ام كان هناك تردد ؟
الاول فكرنا في الموضوع يهني لما نستخدم النت ايه اللي هيحصل وطبعا كان شرطهم الاول ان النت ميشغلنيش عن الدراسة وبعدين وافقوا .
- هل تغيرت حياتك بشكل عام بعد دخولك عالم النت ؟
اكيد لاني اشترك في منتديات كتير واصبح ليا صحبة خلال النت وبقيت اكلم كل الاعضاء في المنتديات واتعرف عليهم غير طبعا البحث عن اي موضوع يهم مجال الهندسة .
- هل كانت نظرتك للنت هي نفسها قبل استخدامه ام تغيرت؟
كانت نظرتي للنت مزدوجه يعني كنت عارف ان النت ايجابي جدا وسلبي جدا بس طبعا للمستخدم اللي بيستخدم النت اكيد دلوقتي نظرتي اتغيرت جدا
- هل وجدت ضالتك اللتي كنت تبحث عنها في النت ام لم تجدها حتى الان؟
لا .
- هل أثر النت على حياتك الاسريه والروابط العائليه سلبا ام لا؟
اوقات يكون بالسلب لكن الاكتر بالايجاب
- هل جربت يوما ما الدخول الى غرف الشات وان جربتها هل صدمت من واقع شبابنا وبناتنا المؤسف
في تلك الغرف الفارغه .. وهل ندمت على دخولك لتلك المواقع؟
انا بالذات يا دكتور عمري معملت شات علي النت لاني من الاول عارف انه كلام فاضي مفيش منه فايدة وبحمد ربنا سبحانه وتعالي علي ده
- ماهو رأيك بالمنتديات العربيه وتأثيرها ؟
فيه منتديات جميله ومفيده جدا وبتقدم اي حاجة انت عايزها وده اثر علي شعبيتها واصبحت اكبر منتديات الوطن العربي واثرت في كل مشتركيها جدا
- ماذا سيكون موقفك لو تم الغاء النت نهائيا في بلدك؟
اكيد هزعل جدا لان الواحد حياته النت بقي جزء منها
هل تأثرت حياتك بالانترنت ؟!!
رد: هل تأثرت حياتك بالانترنت ؟!!
العرض العادي
