اضراب 4 مايو القادم | يوم 4 مايو | اضراب 4-5 -2008

**INJURED MAN** · 04-30-2008, 12:55 PM

السلام عليكم ورحمة الله وبركاته ..

زى ما حصل قبل كدا .. وعملنا اضراب سلمى .. يوم 6 ابريل . ..

هنعمل اضراب سلمى تانى يوم 4 مايو .. اللى يوم 4 شهر 5 الجاى ده اللى بعد 4 ايام يعنى .

عشان محدش يعمل نفسه مش فاهم حاجه .

بنقول اضراب سلمى ..

مبنقولش تروح تكسر وتدغدغ .. وتسب وتلعن فى الحكومه ..

لألألأ الاضراب مش تظاهر .. ولو حصل تظاهر يكون سلمى .. مش نشتم ونضرب ونكسر ..

ونعطل مرور .. ونعمل مشاكل ..

دى اسمها بلطجه .. واحنا ناس محترمين .. مؤدبين .. وحلوين وبنسمع الكلام صح ؟؟

انا بقا عاوز اعر كل واحد فيكو هيعمل ايه يوم 4 مايو الجاى ده ؟؟

يله عاوز المنتد كولو يدخل يقولى هيعمل ايه .

**INJURED MAN** · 04-30-2008, 01:17 PM

محدش رد لحد دلوقتى ..

مافيش وقت يله كولو يدخل يقول هيعمل ايه

**Ntd** · 04-30-2008, 02:32 PM

انا عن نفسى مش هعمل حاجة عادى يعنى بطبعى مبقتش احب اخرج من البيت كتير بالذات بالنهار

البلد دى اصلا مش نافع فيها حاجة كله بيسرق كله والحياة بقت صعبة

واللى ليه واسطة يتشال فوق الدماغ واللى معاه قرش يسوى قرش واللى ممعهوش ميلزموش

**INJURED MAN** · 04-30-2008, 02:55 PM

اقتباس:

المشاركة الأصلية كتبت بواسطة Ntd

انا عن نفسى مش هعمل حاجة عادى يعنى بطبعى مبقتش احب اخرج من البيت كتير بالذات بالنهار

البلد دى اصلا مش نافع فيها حاجة كله بيسرق كله والحياة بقت صعبة

واللى ليه واسطة يتشال فوق الدماغ واللى معاه قرش يسوى قرش واللى ممعهوش ميلزموش

يعنى هتعدى فى البيت ... لان ده الطبيعى بتاعك .

خلاص ابقى خليكى فى المنتدى .. واللى يعمل اضراب يدخل المنتدى ... يتسلى

بس المفروض واجب عليكى تكلمى اخواتك اصحابك وكدا .. انهم يعملو زيك ويقعدو فى البيت ..

مش عاوزين مظاهرات .. ولا تخريب ولا بنقول حد يتكلم .. كل اللى بنقولو يقعد فى البيت ومعملش مشاكل ولا يخرج

شكرا يا دينا لردك فى الموضوع .

**Ntd** · 04-30-2008, 03:20 PM

اقتباس:

المشاركة الأصلية كتبت بواسطة INJURED MAN

يعنى هتعدى فى البيت ... لان ده الطبيعى بتاعك .

خلاص ابقى خليكى فى المنتدى .. واللى يعمل اضراب يدخل المنتدى ... يتسلى

بس المفروض واجب عليكى تكلمى اخواتك اصحابك وكدا .. انهم يعملو زيك ويقعدو فى البيت ..

مش عاوزين مظاهرات .. ولا تخريب ولا بنقول حد يتكلم .. كل اللى بنقولو يقعد فى البيت ومعملش مشاكل ولا يخرج

شكرا يا دينا لردك فى الموضوع .

فعلا انا هكون على النت وهتابع الاخبار فى التليفزيون مع ان الاعلام اصبح مزيف صعب ان الواحد يشوف الحقيقة

يعنى مثلا الاضراب اللى فات قعدت استنى برنامج معتز وبرنامج منى الشاذلى لقيتهم بيقولوا كله تمام وميه ميه

كاذبين

والشعب هوه اللى مظلوم الاستاذ معتز بياخد فى الحلقة الواحدة 10000 جنية ده قبل تجديد البرنامج مش عارفه دلوقتى بياخد كام

ومنى الشاذلى بتاخد 4000 جنية فى الحلقة وده ايام مشاكل شوبير مع قناه دريم مش عارفة دلوقتى بتاخد كام

يعنى امورهم تمام وميه ميه مش ناقصهم اى حاجة هيحسوا بالموظفين الغلبانين ليه اللى بيقبضوا 200 جنيه وعايشين مطحونين وكل واحد قاعد فى بيته ربنا العالم بيه

وبعدين التخريب اللى كان فى المظاهرة اللى فاتت مين اللى قال ان المتظاهرين همه اللى عملوا كده انا قريت فى جورنال الدستور ان دى خطة معمولة علشان الناس تقول دول بيخربواا يستاهلوا الاعتقال ويستاهلوا

وكان فيه فيلم جميل من اسبوع بتاع ليلى علوى اللى فيه هجامة ودخلت السجن مع المعتقلين

ده بيصور حياتنا دلوقتى

ربنا مع المظلومين

**INJURED MAN** · 04-30-2008, 03:35 PM

لألألألألألألألألأ

انا بتكلم عن مظاهرة اهالى المحله ... بصراحه زودوها جدا .. وكسرو القطر ووقفو المرور واتقلبت حرب مع الحكومه .

لدرجة ان الحكومه ضربتهم بالرصاص المطاطى .. ورمت عليهم قنابل مسيله للدموع ..

والكلام ده غلط

احنا مش عاوزين كدا .

عاوز سلم سلم سلم جايه من كلمة سلاااام .. واللى عملتو المحله مش سلام ابدا .. دول بداو الحرب مع الحكومه .. بالتالى الحكومه ليهم حق تحاربهم طبعا

**Ntd** · 04-30-2008, 03:53 PM

اقتباس:

المشاركة الأصلية كتبت بواسطة INJURED MAN

لألألألألألألألألأ

انا بتكلم عن مظاهرة اهالى المحله ... بصراحه زودوها جدا .. وكسرو القطر ووقفو المرور واتقلبت حرب مع الحكومه .

لدرجة ان الحكومه ضربتهم بالرصاص المطاطى .. ورمت عليهم قنابل مسيله للدموع ..

والكلام ده غلط

احنا مش عاوزين كدا .

عاوز سلم سلم سلم جايه من كلمة سلاااام .. واللى عملتو المحله مش سلام ابدا .. دول بداو الحرب مع الحكومه .. بالتالى الحكومه ليهم حق تحاربهم طبعا

الناس مش مستحملة ومحدش حاسس بيها كل حاجة بتغلى ماعدا الانسان هوه اللى رخيص فما صدقت تلاقى اى حاجة تعبر بيها عن غضبها صح او غلط مفيش توعية بس الشعب يعمل ايه فى الغلا ده عايز الرئيس يحس ان الشعب مش عايش هوه اكيد عارف الوزراء بيعملوا ايه مش معقول يكون مش عارف

**القبطان** · 04-30-2008, 04:10 PM

يعنى هو الشعب بتاع المحله اللى قلب الآضراب الى حرب مع الحكومه
يا سيدى الفاضل الحكومه لو لقت بس حد بيفكر يعمل تجمهر اقل شىء بيتعمل بتوع الامن المركزى بيكونوا قامو بالواجب ونزلو ضرب فيهم كأنهم مش بشر ولا مسلمين
الموضوع بقى موضوع كرامه شعب بيتهان
كرامه شعب من اغنى الشعوب فى العالم بموارده وثرواته ومش لاقى ياكل
بقينا على اخر الزمن بناخد معونه من اليهود وبشروط مفروضه علينا
بقينا نقطع الوقود والغاز عن غزه ونعطى للآسرائيل
الناس بتموت على طوابير العيش شوفت الحال وصل لمصر ازاى
المفروض اننا بلد زراعى ؟ ! وبنستورد القمح والرز بقى سعره فى السما
هقول ايه ولا ايه ولا ايه ربنا معانا
هو المفوض يتعمل اضراب بس بنظام على الاقل الحكومه تحس بالناس
بس يا ريت الحكومه متصعدش الموضوع وتضرب حد
كان زمان الناس بتقول لو لما اكن مصريآ لوددت ان اكون مصريأ
ودلوقتى بيقولو لو لم اكن مصريآ لرتحت نفسيآ
شكرآ سام على الموضوع ويارب ينصلح حال البلد شويه اتمنى ذلك

**INJURED MAN** · 04-30-2008, 04:55 PM

اقتباس:

المشاركة الأصلية كتبت بواسطة القبطان

يعنى هو الشعب بتاع المحله اللى قلب الآضراب الى حرب مع الحكومه
يا سيدى الفاضل الحكومه لو لقت بس حد بيفكر يعمل تجمهر اقل شىء بيتعمل بتوع الامن المركزى بيكونوا قامو بالواجب ونزلو ضرب فيهم كأنهم مش بشر ولا مسلمين
الموضوع بقى موضوع كرامه شعب بيتهان
كرامه شعب من اغنى الشعوب فى العالم بموارده وثرواته ومش لاقى ياكل
بقينا على اخر الزمن بناخد معونه من اليهود وبشروط مفروضه علينا
بقينا نقطع الوقود والغاز عن غزه ونعطى للآسرائيل
الناس بتموت على طوابير العيش شوفت الحال وصل لمصر ازاى
المفروض اننا بلد زراعى ؟ ! وبنستورد القمح والرز بقى سعره فى السما
هقول ايه ولا ايه ولا ايه ربنا معانا
هو المفوض يتعمل اضراب بس بنظام على الاقل الحكومه تحس بالناس
بس يا ريت الحكومه متصعدش الموضوع وتضرب حد
كان زمان الناس بتقول لو لما اكن مصريآ لوددت ان اكون مصريأ
ودلوقتى بيقولو لو لم اكن مصريآ لرتحت نفسيآ
شكرآ سام على الموضوع ويارب ينصلح حال البلد شويه اتمنى ذلك

مجاوبتش على سؤالى

هتعمل ايه يوم 5 مايو

**القبطان** · 04-30-2008, 05:42 PM

هعمل زى كل الناس ما هتعمل هعمل اضراب وبعدين انت مقلتش انت برده هتعمل ايه
وبعدين هو كل الكلام اللى قلتله ده مفيش ليك اى تعليق عليه
وبعدين يا خبر انهرده بفلوس بكره يبقى ببلاش
يوم 4 مايو هتعرف كل الشعب هيعمل الاضراب ازاى مش اعضاء المنتدى بس
شكرآ ليك الموضوع