 |
 |
 |
|
|
|
|
 |
 |
|
|||||||
| النكت والافشات منتدي النكت والافشات يختص بالنكت والافيشات الطريفة:,نكت ,طرائف ,نكت رياضة,نكت سياسه,نكت صعايدة,نكت خليجية,نكت مصرية,نكت مضحكة,نكتب عربية,نكت بايخة,نكتة اكتب كل النكت اللى عندك وخلينا نضحك كلنا من قلوبنا. |
 |
|
|
LinkBack | أدوات الموضوع | انواع عرض الموضوع |
05-10-2008, 01:07 PM
|
رقم المشاركة : [1] |
|
ميكس مبدع
  |
هـــــــــــاملت 2008
أمير الدانمارك المشهد الأول ( أمام قصر السينور - محرم بك - الدانمارك ) ( الحراس يقومون بحراستهم الليلية ) الحارس الأول : ولا الثانى : أيه ؟ الأول : شايف أللى انا شايفه ؟ الثانى : شايف ايه ؟ الأول : واحد شبه المرحوم هاملت الكبير الثانى : أنت عبيط ولا أهبل ولاشارب حاجة ؟ الأول : مش مصدق ؟ ده واقف هناك أهوه الثانى : أى والله كلامك صح الأول : شكله عفريت الثانى ( وهو يكاد يبكى من الفزع ) : أجرىيالا........ وأخذ الأثنان فى الجرى وهما يصيحان :عفريت........عفريت ====================== المشهد الثانى ( الأمير هاملت يقف مع الحارسان ويكلمهم عما حدث فى الليلة السابقة ) هاملت : ايه يالا أنت وهوه أللى حصل أمبارح ده ؟ مش عارف اقعد مع المز.....أحم.......كان فيه اجتماع فى شئون الدولة أمبارح ومعرفناش نركز بسببكم الحارس الأول : عفريت يابيه عفريت الثانى : واحد شبه المرحوم والدك ربنا يطول عمره هاملت : ولا....ماتعصبنيش........أبويا مات وشبع موت.......وعمى اجوز أمى....والبت أوفيليامعصلجة معايا.........وأنا مخنوق خلقة........متقرفنيش أكتر مانا مقروف الأول : عليا الطلاق يا بيه هو ده أللى حصل الثانى : ورحمة مراتى أللى قتلتها بايديادول هو ده أللى حصل هاملت : طيب طيب ، أنا جاى النهاردة بليل أشوف الموضوع ،لكن ورحمة أبويا لو ماكنش فى عفريت حأقتلك أنت وهو فاهم يالا ؟ الأثنان بصوت واحد : حاضر يا سعادة البيه ===================== المشهدالثالث ( أوفيليا مزًة هاملت تتحدث مع والدها ) الأب : بت يااوفيليا أوفيليا : ايوة يابا ؟ الأب : سمعت أنك بتقفى مع الواد الصايع ( هاملت ) أوفيليا : مين قالك الكلام ده يابا ؟ الأب : مالكيش دعوة ، ردى على سؤالى بتقفى مع هاملت ولا لأ ؟ أوفيليا : أ..........أ..........أ..........أيوة يابابا الأب : وبتقوليها فى وشى يا بنتالـ......... ، وبيتقفى مع المعفن ده ليه ياختى ؟ أوفيليا : بحبه يابابا الأب : حبك برص وعشرة خرص ، حسك عينك أعرف أنك وقفتى معاه تانى ، فاهمة ولا لأ ؟ أوفيليا : فاهمة يابا ==================== المشهد الرابع ( هاملت ومعه الحارسان جالسان فى إنتظار الشبح ) هاملت : الدنيا برد أوى ، فين الجوزة يالا ؟ الحارس الأول : ودى حاجة تتنسى ؟ موجودة يا معلـ........أه......موجودة يامولاى هاملت ( بعد النفس الأول ) : كح..كح..كح ، إيه يابن الـ...... القرف ده ؟جبت الحشيش ده منين ؟ خد جتكم البلة فى مناظركم ، الساعة كام دلوقتى ؟ الحارس الثانى : الساعة 12 يا سعادة الباشا هاملت : يعنى المفروض العفريت يكون هنا ، حأستنى ربع ساعة كمان ولو مجاش حتبقى ليلتكم أسود من شعر رأسكم الحارس الأول : مولاى.....بُص ........ العفريت اهوه ....... ياما ......... إلحقينى ياما ( ويفر هارباً ) الحارس الثانى : إستنى ......... خدنى معاك ( ويفر هارباً هوالأخر ) هاملت : ولا يابن الـ........ أنت وهوه ....... ارجع هنا يا يالا..... ولا ....... ماتسيبونيش لوحدى معاه ....... ياما إلحقينى ( ويكاد يفر هاربا هوالأخر لولا أن سمع صوتاً ) الصوت : إستنى هنا يا هاملت هاملت : الصوت ده مش غريب عليا الصوت : أنا أبوك يا بنى هاملت : ابويا ؟ أبويا مين يا عم الحاج؟أبويا مات الصوت : أنا عفريت ابوك هاملت : بلا عفريت أبويا بلا وجع قلب الصوت : طيب ، أنا ح اثبت لك أنى عفريت ابوك ، الباسورد بتاع إيميلك 583 هاملت : بس ماتكملش ، أنا صدقت أنك عفريت ابويا ، أنت إيه أللى رجعك من تربتك يابا ؟ الأب : أستنى يابنى لما أخد نفسى ، هاتلى بيبسى هاملت : بيبسى ؟ أماأنت عفريت معفن صحيح الأب : خلاص مش عايز بيسبسى ، هاتلى سندوتش فول هاملت : جرررررررررررررررر.................... الأب : خلاص ، مش عايز حاجة من وشك ،المهم أنا جايلك عشان تنتقملى هاملت : ليه ؟ حد عملك حاجة يابويا ؟ الأب : أ......... هاملت : أكلم الأب : عـ............... هاملت : أنطق الأب : عمـ....... هاملت : قول الأب ( صائحا ) : أسكت أنت ، مش عارف أتكلم منك هاملت : حاضر الأب : طبعا أنت عارف أنى مت بجرعة مخدرت زايدة ،صح ؟ هاملت : صح ، الشعب الدانماركى كله عارف أنك كنت مدمن الأب : الحقيقةأن عمك هو أللى قتلنى هاملت : إيه ؟ الأب : أيوة ، عمك كان عايز يبقى ملك ،وكان عايز يجوز أمك ، وكان بيحقد عليا ، فبدل المخدرات بسم فران ، وأنا شربته ومت هاملت : طب وأنت عايز منى إيه دلوقتى ؟ الأب : عايزك تنتقملى يابنى هاملت : وأنا مالى ؟ هو أنا أللى مت ؟ الأب : يابنى انا أبوك هاملت : أبوك على نفسك ، إمشى من قدامى ، انصرف الأب : طيب يا هاملت ،إنسى إيميلك خالص، ح أغير الباسورد ، و ح أبعتلك فيروس على الجهاز ، سلام هاملت : استنى ، خلاص هنتقملك ، بس أحلف انك مش حتغير الباسورد الأب : أحلف بسماها وبترابها احلف بنجومها وأمجاده أحلف بالمدنى وبالمدفع أحلف بالـ............ هاملت : بس خلاص أسكت ، أنصرف الأب : برضه مش حتجيب بيبسى ؟ هاملت : انصرف حالا . =================== المشهد الخامس ( هاملت يجلس مع الحارسان فى حديقة القصر ) هاملت : فاكرين ليلة العفريت إياه ؟ الحارسان : أه فاكرين هاملت : العفريت كان عفريت أبويا ، أبويا كان عايز ينتقم من عمى ، عشان عمى قتل أبويا وأجوز أمى ، فاهمين حاجة ؟ الحارسان : ............. هاملت : مش مهم ، أنا عايزكو تفكروا فى طريقة ننتقم بيها من عمى الحارس الأول : أنا بقول نحطله حتة حشيش فى جيبه ونبلغ عنه الحارسالثانى : إيه رأيك يا هاملت بيه ، إحنا نقتل سعادتك ، ونلبس التهمة لعمك هاملت : أنتوا شوية اغبية ، أنا فكرت فى فكرة عبقرية ، أنا ح أرنله ، هو حيرنلى ، أنا أفتح عليه وأخلصله رصيده الحارسان : فكرة عبقرية يا باشا هاملت ( يخرج موبايله الموتوريلا ) الحارس الأول : أنت معاك موتوريلا يا بيه ؟ أنا معايا نوكيا الحارس الثانى : وأنا سامسونج هاملت : اسكت يابنى أنت وهوه ، أنا ح أطلبه أهوه....................... ألو ...... أيوة يا عمى ، أنت فتحت عليا عمه الملك ( عبر التيلفون ) : نياهاهاها ، أوفيليا قالت لى أنك عايز تنتقم منى ، فقررت أتغدى بيك قبل ما تتعشى بيا نياهاها نياهاهاهاهاها نياهاهاهاهاهاهاهاها  |
|
|
|
|
|
|
05-10-2008, 01:19 PM
|
رقم المشاركة : [2] |
|
مشرف ميكساوى
|
رد: هـــــــــــاملت 2008
انا لو كنت عارف ان هي دي النهاية
كنت باعتلهم كارت شحن من أبو 10 جنيه على حسابي الخاص ويا دار ما دخلك شر شكرا ليك يا مان على القصة الظريفة دي |
|
|
|
|
|
|
05-10-2008, 01:54 PM
|
رقم المشاركة : [3] |
|
ميكس مبدع
|
رد: هـــــــــــاملت 2008
ميرسى لردك ياصاحبى مانا بقول برضو كدة او كنت احولو خمسة جنية او سلفى شكرا هههههههه التوبيك نور بيك
|
|
|
|
|
|
|
|
05-10-2008, 11:13 PM
|
رقم المشاركة : [4] |
|
Mixxawy ViP
|
رد: هـــــــــــاملت 2008
هههههههههههههههه ههههههههههههههههههههههههههههه لكن ايه اللهجة دى انت واثق انها هاملت و لا عيال فى الشارع لكن هو هاملت من الدنمارك عليهم لعنه الله ؟؟؟؟؟؟؟؟؟؟؟؟شكرا على المسرحية الجامدة دى
|
|
|
|
|
|
|
|
05-11-2008, 11:21 AM
|
رقم المشاركة : [5] |
|
ميكس مبدع
|
رد: هـــــــــــاملت 2008
ماهى النسخة الجديدة من هاملت قريجن 2008 ههههههههههههه اه ياستى هاملت من الدنمارك لعنة الله عليــــــــــهم وميرسى لردك يازينب والتوبيك نور بيكى والله
|
|
|
|
|
|
|
|
05-12-2008, 10:52 PM
|
رقم المشاركة : [6] |
|
ميكس قمة الابداع
|
رد: هـــــــــــاملت 2008
هههههههههههههههههههههه
ياخبر ابيييييض دا لو الدكتورة في القسم تدرسلنا دي بدل اللي بناخدها تبقه حاجه حلوة خاااااااااااااااااااالص |
|
|
|
|
|
|
|
05-13-2008, 03:21 AM
|
رقم المشاركة : [7] |
|
ميكس مبدع
|
رد: هـــــــــــاملت 2008
ههههههههههههههههه ياريت تبقى هتزقتتى من الفرحة لو خدتوا بالشكل دة انتى فى كلية اية اصلا ميرسى ياسومة على ررررردك العسل دة
|
|
|
|
|
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
Powered by
vBulletin® Version
3.7.0
Copyright ©2000 - 2008, Jelsoft Enterprises Ltd.
SEO by vBSEO 3.1.0
العرض العادي
