قرار جديد

**زينب عبد السلام** · 05-14-2008, 10:15 PM

طبعا الكل يعرف ان سوف يتم تعديل الزواج بدلا من 16 سيكون 18 عاما للفتاة
تخيل لو كنت مرتبط بواحدة وكنتم اتفقتم على الزواج او فى خطوبة ولا يوجد اى مانع والبنت سوف تكمل دراستها عادى او واخد مؤهل متوسط
ماذا تفعل
وهل تفتكروا انهم كل شوية يرفعوا السن دة لحد ما توصل الفتاة لسن العنوسة
طيب ايه العمل ساعتها
وايه الحكمة من كده مش الزواج افضل من الزواج العرفى او غيرة
دمتوا بود
تحيااااااااااااتى

**Ntd** · 05-15-2008, 12:58 AM

اكيد يا زينب الزواج الرسمى افضل بس 16 سنة و 18 سنة حتى يعتبر السن صغير للزواج تفكير البنت بيكون لسه منضجش بما فيه الكفاية انها تتحمل مسئوليات اسرة وبيت واولاد

بيتهيألى انها بكده بيكون مجنى عليها لانها بتكون لسه بتخرج من مرحلة الطفولة

موضوع مميز جداا يا زينب تسلم ايديكى

**زينب عبد السلام** · 05-15-2008, 01:35 PM

بس ممكن يكون واحدة سنها 18 ولديها نضج اكتر من واحدة عندها 25 ولا اكتر الخوف لا كل يوم يرفعوا فيه اكتر
بس الحمد لله انا دخلت فى 22 يعنى مش هيلحقوا يطبقوا القرار اللى هيجى بعد ده ههههه
نورتى يادينا

**eldawltly** · 05-15-2008, 09:34 PM

اولا شكرا ليكي يا زينب
ثانيا أنا من انصار رفع سن الزواج للبنات الى 20 سنة
اما موضوع انك تلاقي اليومين دول بنت عندها 20 سنه وناضجة عقليا ده أصبح من ضرب المستحيلات لان لو هي ناضجة عقليا لاختارت ان تتزوج بعد ان تكم 20 سنه على الاقل علشان تكون جاهزة نفسيا ومعنويا

**زينب عبد السلام** · 05-15-2008, 10:06 PM

امممممم ممكن بس هناك ظروف بتحكم سواء عاطفيا او البنت خلصت دبلوم لو معهد متوسط
ولكن لاننكر ان السيدة عائشة تزوجت من الرسول وهى فى سن صغيرة
نورت الموضوع دولتلى

**tamtam** · 05-16-2008, 12:10 AM

كلامك في وجهة نظر بس بنفس الوقت كل ما كبرت البنت كان في فرصة اكبر لتكون الحياه الزوجية ناجحة اكتر يعني في السن 16 بتكون البنت صغيرة لتاخد هيك قرار انا بقول البنت مش لازم تتزوج قبل ال 23 او 25 عشان بهادا العمر بتكون بدأت توعى وتختار بعقلها وقلبها مش بس بقلبها.

وما في اي شرع او دين يحدد من اي عمر البنت تتزوج البنت تتزوج مجرد ما اصبحت شابة يعني ممكن من سن ال 13.

**زينب عبد السلام** · 05-16-2008, 04:14 PM

اقتباس:

المشاركة الأصلية كتبت بواسطة tamtam

كلامك في وجهة نظر بس بنفس الوقت كل ما كبرت البنت كان في فرصة اكبر لتكون الحياه الزوجية ناجحة اكتر يعني في السن 16 بتكون البنت صغيرة لتاخد هيك قرار انا بقول البنت مش لازم تتزوج قبل ال 23 او 25 عشان بهادا العمر بتكون بدأت توعى وتختار بعقلها وقلبها مش بس بقلبها.

وما في اي شرع او دين يحدد من اي عمر البنت تتزوج البنت تتزوج مجرد ما اصبحت شابة يعني ممكن من سن ال 13.

امممممممم بس سن 25 كده كبيرة
يعنى العشرين معقولة شوى
وممكن الواحدة تعدى السن ده وتختار بقلبها
وده اللى قصدى عليه انها تختار تتزوج فى 16 بعدها على حسب ظروفها واحتياجاتها بدل ما تلجا الى طرق اخرى من الزواج
منورة طمطم الموضوع