 |
 |
 |
|
|
|
|
 |
 |
|
|||||||
| قسم الشعر والشعراء قسم خاص للشعر العربي وشعراء العرب |
 |
|
|
LinkBack | أدوات الموضوع | انواع عرض الموضوع |
06-19-2008, 03:30 AM
|
رقم المشاركة : [1] |
|
ميكساوى نشيط
 
  |
رساله من الخال
كتب شاعرنا الكبيرالابنودى قصيدة طويلة بعنوان الاسم المشطوب واهداها الى روح البطل عبد العاطى(صائد الدبابات)اخترت لكم منها هذا المقطع
’’بيع المصانع والصحارى واشترى اخر حدود الارض والشواطى وهكذا.. مصر اللى كانت ملكنا واللى حميناها بصدرك عننا اتسحبت واحنا فى عز النوم اتسحبت فى السر وف كام يوم هربت كده علنا يا عبد العاطى!! مش دى البلاد اللى حاربت عشانها ولا هم دول ياصاحبى حكامها ولا مصر دى اللى رفعت اعلامها ورميت بروحك فى خضم الحرب ونيرانها فين احنا دلوقتى يا عبد العاطى ؟ مين اللى وطى العالى يا صاحبى وعلى الواطى مين اشترى بتمنك الصحرا والشاطى..وطاطى فاكرنا وراه..حنطاطى؟ وصالح القاتل..وعادانا وادانا ضهره وسابنا ببلاهة نعد قتلانا وهرب بمصر..وخبى عنوانها؟؟ ارحل يا ابن الطيبين..ارحل ارحل وحيد مظلوم حزين..اسهل كل القصص ماتت كل المثل ..ماعت كل الحقوق ضاعت البياعين باعت.. اهل القيم صاعت.. واهل الحقوق جاعت.. حتى اللى صابت من جديد خابت كله اتمسح..والزور هوه اللى شادد خطوته وثابت والنصر كان ياعم عبد العاطى اهم اغلاطك واغلاطى ارحل بتتفرج على عشوش اللصوص المحروسين..ببدلة ظباطى..!! ياللى كسرت القانون وحاولت وطنك يكون....مات الوطن ورجعت المية تانى تمشى فى الواطى يا بطل..زمانه فات صياد الدبابات يا مجسد الحسرة فى اسوأمعانيها ماعاد ش غير الموت حرية ارحل يا عبد العاطى..لااكل ولا مية ارحل يا عبد العاطى.. لاحلم بالالوفات و لاالمية الحسرة وطنية..الحسرة وطنية دواها لامن صبر ولا من نوم انت الشهيد اللى ضل وعاش لحد اليوم ماعادش شىء ينباع يا مزعج اللى تاجروا فى النسيان فى وطن بشم بالصمت وماعادش لازمه سماع..!! عارفك مامتش علة..مت تعب ماهوكام سنة ياصاحبى يحتمل الحطب..نار الغضب وكل ما تبرق صور فى الذاكرة للدبابات اللى حرقت او الجنود اللى قتلت.. ولما م الضحك اتمزعت بفرحة النصراللى كان ابداع كل اللى ضاع منك..مع اللى ضاع تخمدها بكفوفك بصمت رهيب من غير ماتعتب على الوطن..وتورى وياه فى الالم وتجيب كلمنا وانت ع السريرعيان عن اللى ولى...وخان وعن اللى باع النصر فى الدكان مش ده الوطن اللى اتفقت معاه يا صاحبى زمان تئن...والانين مرير وانت بتتقلب على السرير..سرير فقير تطلق زفير الحزن فى النفس الاخير ولا الشاشات بكيت..ولا المذياع اذاع فاكشف وجهك..ومزع القناع بلا حكومة بلارئاسة بلامعارضة بلا بتاع!!  |
|
التعديل الأخير تم بواسطة صابرابوعلى ; 06-19-2008 الساعة 03:39 AM.
|
|
|
|
|
08-05-2008, 01:31 PM
|
رقم المشاركة : [2] |
|
ميكساوى قمة الابداع
 |
رد: رساله من الخال
بجد الابنودى مالهوش حل هههههههههههه تسلم ايدك
|
|
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
Powered by
vBulletin® Version
3.7.0
Copyright ©2000 - 2008, Jelsoft Enterprises Ltd.
SEO by vBSEO 3.2.0
العرض العادي
