السلام عليكــم ورحمـة الله وبركاتــه ،،..

بسم الله والحمد لله والصلاة والسلام علي رسول الله صلي الله عليه وسلم

أما بعد

أبحــــــــث عن زوجة !!!

لا لالا مش تخلي عندك شوية زوق ،، الموقع ده محترم جدا والأعضاء اللي فيه اعضاء محترمين

حد قاللك ان الموقع بيشتغل خاطبة ولا ايه

وبعدين الموقع في بنات زي ما فيه شباب

فعيب اوي تدخل تقول ابحثولي عن زوجة !!

ربما يتوارد لبعض الأعضاء هذا الرد لما يشوف عنوان الموضوع

فأنا مش عايزة حد يتسرع في الحكم



كلكم بتفكروا فى زوجة او زوج بالنسبة للأخوات

لكن بتختلف المطلوب من واحد للتاني :

فمثلا :

الشاب الروش الرومانسي ده يقوللك : أنا عايز فتاة أحلامي تكون

بيضاء وعينيها خضراء وشعرها اصفر

عشان نعيش مع بعض قصة زي بتوع الأفلام

وهو أصلا تلاقيه لم يؤت حظا من جمال الشكل
واحد تاني

دا بقة ممكن يكون في بعض الأخوة

يقوللك أنا عايز أخت حافظة القرآن

وخلصت فتح الباري

وخلصت المجموع للنووي

وياسلام لو كانت قرأت فتاوي ابن تيمية

وهو تقولله طيب انت حافظ ايه

يقوللك أنا الحمد لله ماشي في جزء عم وبكمل الحمد لله!!!!!

أما بقة أخونا

موودي اللي حاطط سلسلة في رقبته وانسيال في ايده ومنزل بنطاله أعزكم الله

ابن دادي ومامي


ده يقوللك انا عايز سوسو زميلتي في الجامعة

ياسلالام لما سوسو تقول ياااي

سيتامبوسيبل

قلبي بيقشعر بيقشعر ويرفرف فيغمي عليا علي طول

ياعين مامته

واحد زي ده متعرفش تقول عليه ولد أو بنت

أنما ممكن يندرج تحت

ويخلق ما لاتعلمون

دا بقة وكيل العروسة وهو بيجوزه مش عارف هيقول

زوجتكً ولا زوجتــــكِ
!!!
وممكن واحد برده من الشباب اللي مش عايز يتعب او عايز يطلع علي طول يقوللك بص انا عايز اتجوز واحدة مريشة أوي تنغنغني

ومش مشكلة حلوة او وحشة

ان شاء الله تكون رجل منها في الدنيا ورجل في القبر يبقي احسن

واحد أخير بقة تلاقيه رجل فاهم يقوللك انا عايز أخت فاضلة تعفني عن الفتن

وتكون كل حياتنا لله عز وجل لنبني نواة صالحة لمجتمع مسلم صالح

أسأل الله عز وجل ان يجعلنا منهم وأن يرزق أخواتنا أمثاله

طيب

زي ما الشباب بتختلف رغباتهم وطلباتهم

أيضا البنات برده بتلاقي زي كده

ممكن تلاقي بنت تقوللك أنا عايزة فتي الأحلام ولد كده يسعدني ويهنيني ويلبي لي كل أحلامي

أسافر بره والبس احسن لبس وأسكن في احلي فيلا

واحدة تانية تلاقيها مسترجلة شوية تقول لا انا عايةز واحد يكون خاتم في ايدي

اقولله اعمل كذا يعمل متعملش ميعملش

نظام " حنفي "

وخلاص تنزل المرادي


أما أختنا الفاضلة الطاهرة العفيفة

تقول أنا عايزة ربنا يرزقني شاب ملتزم يحافظ علي ويعفني

لنكون زوجين مسلمين ونبني بيتا مسلما بأولاد مسلمين

لنبذر نواة صالحة لبداية مجتمع صالح مسلم
أسأل الله عز وجل أن تكون كل أخواتنا من أمثالها وأن يرزق الشباب أمثالها
وهكذا تختلف الرغبات

ولولا اختلاف الأذواق لبارت السلع مش كده ولا ايه

طيب في ناس ممكن تقول لا الكلام ده بس كنا بنشوفه في الأفلام اما في عصرنا فمفيش

ولكن الحقيقة ان

كل الأنواع دي موجودة ربما تري صنفا او صنفين وغيرك يري صنفين غيرهم وهكذا

لكن كل الأشكال دي موجودة

زي مابقوللكم موودي ده

او تووتي

دا موجود كتير اوي




من اى نوع انت ؟؟؟؟؟؟؟؟؟

ارجو المشاركة والتفاعل بانتظاركم ...............