 |
 |
 |
|
|
|
|
 |
 |
|
|||||||
| حزب المعارضه يحق للادارة حذف اى موضوع تراه غير مناسب للقسم او به اى مهاجمه لاى من الاحزاب الاخرى |
 |
|
|
LinkBack | أدوات الموضوع | انواع عرض الموضوع |
09-10-2008, 04:31 AM
|
رقم المشاركة : [1] |
|
Mixxawy ViP
    |
وارمي اللجام واقطعه ..دانا مااتولدتش بيه
قصيدة حلوه قوي للشاعر أحمد عفيفي أتمنى لو كل الشعوب تفكر نفس تفكير ((( للمؤاخزه مش عارف أقولها ))) إفهموها انتوا بقى القصيدة تقووووول /  حمار ..وجاله مزاجه يستقيل م الشغل نهق بحرقة وقال: ملعون ابو ده ذل من طلعة الفجر للمغرب ..على ده الحال وقلة الأكل ..يا.. حتجيب لي داء السل مش ماشي مش ماشي واضرب بقى ..مية سنه لقدام لا ضرب حيهمني . .ولاحتى شد لجام ونام ..ومدد على الاسفلت في الشارع وقال له: يا عربجي .. حتى ولا الاعدام مش ماشي .. يعني مش ماشي ان كان على شغلتك .. انا مستقيل منها وان كان على لقمتك .. الله الغني عنها وان كان على البردعه والا اللجام خدهم وأديني حريتي .. جه وقت اعلانها مش ماشي مش ماشي طول عمري باجري على مراتك وست عيال لايوم عصيتك ولاقلت اني مش شغال باجري عليهم .. وعامل حضرتك راجل وانت قليل الحيا .. ماتبطل استغلال.. ايه شغلتك حضرتك .. ممكن تفهمني؟ مش بس قولة " شي حاه يا حمار " وتشتمني؟ وكل خطوة ..تفرقع كرباجين صنعة دانا لحم يا عربجي .. والضرب يألمني.. من وسط روض الفرج .. باسحب على قليوب وتنام تشخر..وانا صبري غلب ايوب الليل.. وبرد الشتا.. والطينه.. وشخيرك خلوني حاسس كاني ماشي بالمقلوب... تيجي تحاسبني واحاسبك .. ياضلالي يا دون واقطع دراعي واراهنك.. حنلاقيك مديون جدك شاريني بنص جنيه سنة عشرين وابوك ورثني ..وكان راجل فظيع مجنون.. ابوك هراني .. ودغدغ جسمي بالنبوت ومن عرق جتتي .. بقالكوا ست بيوت جيت انت وورثتني ..طلعت ايماني حتسيبني طبعا لولدك بعد ما انت تموت عايز انهق بقى .. وارفس لا حاه ولا شيه واكل ..ما اكلش .. بمزاجي واللي نفسي فيه واللف واجري ..وانام وارتاح بحريه وارمي اللجام واقطعه ..دانا مااتولدتش بيه لويوم بقيت عربجي ..وانت انقلبت حمار حتعيش معايا..معيشة بحبحه وهزار ونقسم الشغل والمعلوم بيني وبينك بالحق ..مشوار تجر انت ..وانا مشوار والله مانا ماشي . الشاعر / أحمد عفيفي  |
|
التعديل الأخير تم بواسطة الجنرال المصري ; 09-10-2008 الساعة 04:35 AM.
|
|
|
|
|
10-28-2008, 02:25 PM
|
رقم المشاركة : [2] |
|
مشرف القسم السياسى
|
رد: وارمي اللجام واقطعه ..دانا مااتولدتش بيه
اخى الحبيب : الجنرال
اشكرك على سخريتك الجميلة وانا اتفق معك فى ابداعك المتميز |
|
|
|
|
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
Powered by
vBulletin® Version
3.7.0
Copyright ©2000 - 2008, Jelsoft Enterprises Ltd.
SEO by vBSEO 3.2.0
شات سعودي موقع البنات , موقع بنات فقط , منتديات البنات , منتدى البنات
العرض العادي
