دراماتيكا الافكار ليا و الكتابة عليكا

**الجنرال المصري** · 09-25-2008, 03:13 PM

بعد الانفتاح الاعلامى الذى كان و دخول الدش او الوصلة كل منزل افتضح تماما امر الدراما العربية بشكل عام فكنا نعتقد ان الخيبة خيبتنا وحدنا فى مشاهدة السخافات التى تلقى على عيوننا على القنوات المصرية ففوجئنا ان الخيابه منتشره و متغلغلة فى معظم الانتاج العربى فغالبا ما تقم باخراجه مصر يلوى لسانه تلفزيون الكويت فيصبح مسلسل كويتى او يرقق صوته التلفزيون اللبنانى فيصبح لبنانى و يتم تجنيس العمل فقط حسب الدولة المعروض بها و يعاد بثه الينا من جديد بعد النيو بق

ففكرت انى ممكن ارشدكم لاشهر تيمات الاعمال الدراميه وكل واحد و شطارته بقى يختارله تيمة يكتبله بيها مسلسل رمضانى و يسترزق و اهو ابقى خدت فيكو ثواب

يمكنك العمل فى عدد من التيم التى لا يمل منها المشاهد و ينتظرها من العام للعام باشتياق
فعندك مسلسلات الحارة المصرية

حول اسرة بسيطه تواجه مشاكل الغلاء و تزويج البنات ووفاة الاب وهو شغال شغلانه تانيه بعد الضهر فتضطر البنت الكبرى تفسخ خطوبتها و تكمل تربية اخوتها و تنسى الزواج و تخوض مجال العمل لتصبح بعد ست شهور سيدة اعمال ناجحة جدا و تجوز كل اخوتها و بعدين تلاقى رجل اعمال يتجوزها و ينسيها الست شهور عذاب المضنية اللى تعبت فيها و لحست البلاط

او ممكن بقى تكتب مسلسل عن الناس الاغنيا اوى دول الرخميين و تحشيه بمشاهد و لوكيشنز كلها فلل و قصوور و يخووت و مايوهات بيكينى و توضح اد ايه الناس دى بتعانى وهى بتلم ثروتها من تصدير نوى البلح و قشر الفول السودانى لبلاد ما وراء البلاتوه و احتمال شحنات بذر الموز تغرق فى عرض البحر و الناس يجيلها شلل و تفلس و كدا من كتر نق المشاهدين عليهم فينالوا التعاطف مع نهاية المسلسل حيث ان الروس اتساوت اخيرا

او لو مغرم سياسه تكتبلك مسلسل عن "ناصروبس " او " ناصر 56" او "ناصر والنكسه "او "ناصر الثورة " او "ناصر و باسم الامة" و ممكن تكتب قصة و سيناريو واحد بنفس الاحداث و تغير بس العنوان و هتبيع هتبيع لا تندهش ماهى ظيطه و موسم و القنوات ما بتصدق تلاقى اسم ناصر فى الموضوع عشان تشترى و تنتج ممكن تكتب عن اى شخصية تاريخية سياسية تانية بس انا بقولك خليك فى المضمون

ولو سيادتك غاوى نجووم هات كام عدد من اخبار النجوم و تابع اخبار نجم بعينه راحل او موجود مش مهم و لم كل الاخبار و الاوشاعات و الحقيقة و الخيال و المحتمل و المحال عنه فى قصة واحدة و هات اى مقلداتى يقوم بالشخصية و اؤكدلك انك هتكسر الدنيا

و عشان الناس المهتمة باصلاح المجتمع يبقى لها معاك نصيب اكتب قصة عن اطفال الشوارع و بطل واحد مفيش غيره هو اللى حاسس بيهم و المجتمع كله بيهاجمه و اطفال الشوارع كمان مش طايقينه و بيزقلوه بالطوب انما بيفضل يناضل لغاية ما يقدر يوفرلهم سندوتش كوله بالقشطه لكل طفل فيهم

وعشان تبقى خدت كل شرائح المجتمع فى جيبك و محدش فلت اعملك شخصية كارتونية سميها مكار عن ولد اسكندرانى ابيض و ملون " اهوه عشان محدش يقول بكار دا مختلف تماما " كل ما البوليس يقع فى ورطة امساك مجرم قوم مكار يفكرلهم فى خطة عشان يقدروا يقفشوه و تبقى" الشرطه فى خدمة مكار" و العيال كلها يجيلها احباط عشان مش قادرين يبقوا فى ذكاء مكار و لابيطلعوا فى التلفزيون زيه

و تقدر تلم النكت القديمة و الافيهات البايته تجمعهم فى برنامج ست كوم فقيع كدا انما المشاهد مبيدقش و اتعود ع الفقعان و فى كمان ناس بتطالب بجرعات فقع زيادة ف الطلب هيشتد عليك و البليه تلعب و ابقى افتكرنى ساعتها

و ممكن تلم كل التيمات اللى فاتت فى مسلسل واحد كل مشهد بقصة بحيث المشاهد يتوه منك و يحاول يتابع و يفهم و ميفهمش بس اهو تبقى شديته بتعدد الانماط اللى قدمته لاخر حلقه وخلاص و عموما عندنا حاجة حلوة خالص انك اذا نجحت فى كتابة مسلسل محدش يفهم منه حاجة تبقى عبقرى و مفيش منك اتنين و جرب و على ضمانتى

و يارب اكون افدتكم و ها قررت تكتب مسلسل عن ايه

متنساش رمضان 30 يوم بس !

09-25-2008, 03:13 PM	رقم المشاركة : [1]
الجنرال المصري Mixxawy ViP	دراماتيكا الافكار ليا و الكتابة عليكا بعد الانفتاح الاعلامى الذى كان و دخول الدش او الوصلة كل منزل افتضح تماما امر الدراما العربية بشكل عام فكنا نعتقد ان الخيبة خيبتنا وحدنا فى مشاهدة السخافات التى تلقى على عيوننا على القنوات المصرية ففوجئنا ان الخيابه منتشره و متغلغلة فى معظم الانتاج العربى فغالبا ما تقم باخراجه مصر يلوى لسانه تلفزيون الكويت فيصبح مسلسل كويتى او يرقق صوته التلفزيون اللبنانى فيصبح لبنانى و يتم تجنيس العمل فقط حسب الدولة المعروض بها و يعاد بثه الينا من جديد بعد النيو بق ففكرت انى ممكن ارشدكم لاشهر تيمات الاعمال الدراميه وكل واحد و شطارته بقى يختارله تيمة يكتبله بيها مسلسل رمضانى و يسترزق و اهو ابقى خدت فيكو ثواب يمكنك العمل فى عدد من التيم التى لا يمل منها المشاهد و ينتظرها من العام للعام باشتياق فعندك مسلسلات الحارة المصرية حول اسرة بسيطه تواجه مشاكل الغلاء و تزويج البنات ووفاة الاب وهو شغال شغلانه تانيه بعد الضهر فتضطر البنت الكبرى تفسخ خطوبتها و تكمل تربية اخوتها و تنسى الزواج و تخوض مجال العمل لتصبح بعد ست شهور سيدة اعمال ناجحة جدا و تجوز كل اخوتها و بعدين تلاقى رجل اعمال يتجوزها و ينسيها الست شهور عذاب المضنية اللى تعبت فيها و لحست البلاط او ممكن بقى تكتب مسلسل عن الناس الاغنيا اوى دول الرخميين و تحشيه بمشاهد و لوكيشنز كلها فلل و قصوور و يخووت و مايوهات بيكينى و توضح اد ايه الناس دى بتعانى وهى بتلم ثروتها من تصدير نوى البلح و قشر الفول السودانى لبلاد ما وراء البلاتوه و احتمال شحنات بذر الموز تغرق فى عرض البحر و الناس يجيلها شلل و تفلس و كدا من كتر نق المشاهدين عليهم فينالوا التعاطف مع نهاية المسلسل حيث ان الروس اتساوت اخيرا او لو مغرم سياسه تكتبلك مسلسل عن "ناصروبس " او " ناصر 56" او "ناصر والنكسه "او "ناصر الثورة " او "ناصر و باسم الامة" و ممكن تكتب قصة و سيناريو واحد بنفس الاحداث و تغير بس العنوان و هتبيع هتبيع لا تندهش ماهى ظيطه و موسم و القنوات ما بتصدق تلاقى اسم ناصر فى الموضوع عشان تشترى و تنتج ممكن تكتب عن اى شخصية تاريخية سياسية تانية بس انا بقولك خليك فى المضمون ولو سيادتك غاوى نجووم هات كام عدد من اخبار النجوم و تابع اخبار نجم بعينه راحل او موجود مش مهم و لم كل الاخبار و الاوشاعات و الحقيقة و الخيال و المحتمل و المحال عنه فى قصة واحدة و هات اى مقلداتى يقوم بالشخصية و اؤكدلك انك هتكسر الدنيا و عشان الناس المهتمة باصلاح المجتمع يبقى لها معاك نصيب اكتب قصة عن اطفال الشوارع و بطل واحد مفيش غيره هو اللى حاسس بيهم و المجتمع كله بيهاجمه و اطفال الشوارع كمان مش طايقينه و بيزقلوه بالطوب انما بيفضل يناضل لغاية ما يقدر يوفرلهم سندوتش كوله بالقشطه لكل طفل فيهم وعشان تبقى خدت كل شرائح المجتمع فى جيبك و محدش فلت اعملك شخصية كارتونية سميها مكار عن ولد اسكندرانى ابيض و ملون " اهوه عشان محدش يقول بكار دا مختلف تماما " كل ما البوليس يقع فى ورطة امساك مجرم قوم مكار يفكرلهم فى خطة عشان يقدروا يقفشوه و تبقى" الشرطه فى خدمة مكار" و العيال كلها يجيلها احباط عشان مش قادرين يبقوا فى ذكاء مكار و لابيطلعوا فى التلفزيون زيه و تقدر تلم النكت القديمة و الافيهات البايته تجمعهم فى برنامج ست كوم فقيع كدا انما المشاهد مبيدقش و اتعود ع الفقعان و فى كمان ناس بتطالب بجرعات فقع زيادة ف الطلب هيشتد عليك و البليه تلعب و ابقى افتكرنى ساعتها و ممكن تلم كل التيمات اللى فاتت فى مسلسل واحد كل مشهد بقصة بحيث المشاهد يتوه منك و يحاول يتابع و يفهم و ميفهمش بس اهو تبقى شديته بتعدد الانماط اللى قدمته لاخر حلقه وخلاص و عموما عندنا حاجة حلوة خالص انك اذا نجحت فى كتابة مسلسل محدش يفهم منه حاجة تبقى عبقرى و مفيش منك اتنين و جرب و على ضمانتى و يارب اكون افدتكم و ها قررت تكتب مسلسل عن ايه متنساش رمضان 30 يوم بس ! ميكسات -- اخر مواضيعه 0 الاعجـــــــــاز النبوي في دعاء الزواج ؟؟ 0 إعمل لحياتك ريفريش!!!!! 0 شوية إسفاف.... هات شنطة الإسعاف 0 الشحات فى عدالة الممثلين والممثلات!! 0 حبيبتي البسي ثوب الزفاف 0 هل تريد معرفة عمرك الحقيقي ؟ 0 [.. تعلم فن إحراج من يكرهك ..]
الجنرال المصري Mixxawy ViP	منتديات ميكسات - توقيع الجنرال المصري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري