هنتكلم النهاردة عن الحب في زمن قليل قوي
لما تلاقي قلب يحبك و يخاف عليك بقي دلوقتي
الحب عملة نادرة لكنه موجود و السبب في ان الحب
الحقيقي نادر إن احنا بقينا في زمن المادة زمن
صعب تلاقي فيه حد يحبك بجد من قلبه من غير مقابل
يعني مثلا الولد بيضحك علي البنت بكلمتين حلوين
عارفين ليه علشان يصاحبها و يبقي ليه جيرل فريند
زي أصحابه و يثبت قدامهم انه راجل و بيتحب !!!
وفي بنت بتقبل إنها تصاحب ولد برده علشان يبقي
ليها بوي فريند زي صاحبتها يعني تبقي اقل منهم متجيش !
ما هي لازم تثبت لنفسها انهابتتحب !!!
و بعد كده تمر السنين و هما عايشين في الوهم
اللي بانوه بإيدهم
كل واحد فيهم بيتسلي بالتاني
و فاكر انه و قع الطرف التاني في حبه و ضحك عليه
و الحقيقه انهم هما الاتنين ضحكوا علي بعض
لأن حبهم مبني علي المادة مش علي المعنويات الجميلة
و هتكون النهاية زي البداية غش في غش و يكبروا الحلوين و يعرفوا انهم مينفعوش لبعض فيسيبوا بعض
وبعدين البنت كبرت و علي وش جواز بس مش لاقيه حد
يتجوزها ليه ؟
لأنها اتعرفت وسط الناس انها بنت مش كويسه
و لما تعرف ان ده سبب تأخر جوازها تروح لمين ؟
تروح للبوي فريند بتاعها و تقولوا تعالي اتجوزني
عارفين هيقولها ايه أبسط حاجه هيقولها زيو زي
اي رجل شرقي مقدرشي أتجوز واحدة كنت مصاحبها !!! فطبعا هتقولوا إخرس و تضربوا بالقلم زي الأفلام العربي
القديمة و تقوله: انا أشرف منك
بس الهانم هي إللي جنت علي نفسها يوم ما قبلت إنها تصاحب ولد و تخرج معاه من ورا أهلها
انا مع اني بنت زيها بس لو مكانوا هقول زي ماخرجت
معايا من ورا أهلها هتخرج مع غيري من ورايا
و احنا طبعا عارفين الرجل الشرقي و دكتاتوريته
يحب يعمل كل حاجة لكن البنت ملهاش حق تعمل أي
حاجه بس أرجع و أقول الحق عليها هي لأنها هانت
عليها نفسها هي لو كانت غالية علي نفسها
مكنتش عملت كده
ودلوقت عايزة اسأل الولاد سؤال
ترضي تتجوز بنت خرجت معاها او كلمتها في التليفون؟؟
وعايزه أسأل البنات سؤال
ليه هو مش هيرضي بيكي لو خرجتي معاه و انتي هترضي بيه مهما كانت سمعته وحشه؟؟
سؤال دايما بسأله لنفسي!
طب البنات اللي مصاحبين ولاد أكيد انهم عارفين
ان النهاية مش هتكون الجوازو سمعوا عن حكايات كتير
طب ليه مستمرين في العلاقه دي
تعالي نفكر سوي لو انت و أصحابك كل واحد صاحب بنتين
تلاته أنا أجيبلك منين بنت محدش صاحبها
ياريت تخافوا علينا شويه احنا زي أخواتكم البنات
و اللي هتعملوه معانا هيترد في إخواتكم و بناتكم
سواء كان حلو او وحش
الحل الوحيد لمشكلتنا معاكم(البنات مع الولاد)
انك تخاف عليا زي أختك و انا اخاف عليك زي أخويا
و تبقي المشكلة إتحلت .
و علي فكره انا بحب الراجل الشرقي جدا رغم أنانيته
في بعض الأحيان (مع إحترامي لأي راجل شرقي)
و اوعوا حد ياخد فكره وحشه عن الحب لأن القصة اللي انا حكتهالكم مش قصة حب دي قصة غش و خداع
الحب أجمل من من كده ملايين المرات .
بس زي ما إتفقنا لازم يكون حب طاهر
ياريت كل ولد و بنت قروا الموضوع يحاسبوا
نفسهم شويه و يلحقوا نفسهم قبل فوات الأوان
و رجاء خاص من كل ولد قرا الموضوع خاف علينا و حافظ علينا و المشكلة هتنحل بسهوله.

لو سمحتم عايزه ردود حلوة زيكم