 |
 |
 |
|
|
|
|
 |
 |
|
|||||||
| الحوار المفتوح قسم الحوار المفتوح الجاد. يطرح فية المواضيع النقاشيه والمواضيع التي تسطر بقلم أعضاء المنتدى. |
 |
|
|
LinkBack | أدوات الموضوع | انواع عرض الموضوع |
09-06-2007, 08:31 AM
|
#1 |
|
Mixxat's Big Boss
 تاريخ التسجيل: Jun 2007
الدولة: Kuwait
العمر: 24
المشاركات: 7,316
معدل تقييم المستوى: 10
 |
دي مقارنه بسيطه بين (الطفل الفافي) ... و(الطفل البيئه )
[align=right](دي مقارنه بسيطه بين (الطفل الفافي) ... و(الطفل البيئه )
__________________________________ (الطفل الفافي) و (الهافلايف ) ..................................... 1-الولد من دول يصحى على صوت الكناري اللي في اوضته .... - سو سو سو سو .... - _________ 2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو ..... - بيتفرج على الام بي سي كتيييييييييييير - _________ 3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي .... - الداده معاها دكتوراه من جامعة اسفخص في لندن - _________ 4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها ..... - اريال .... نسيم الصباح - __________ 5- يجيب جزمته من الجزامه ... اللي مليانه جزم وكوتشيهات ... وسبوووز ..... - تقولش دخلت محل لطفي أو توكيل تمبرلاند - __________ 6- ينزل يفطر مع مامي ودادي ... والفطار كورن فليكس بطعم الستروبوري او الشوكولات .... - كورن فيليكس كلووقز .. مش بسكو مصر - __________ 7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين اتشكن ناجتس و كيس شيبسي و عصير جهينه او ايزي موزوو - ايزي مووزو فاكرين الاعلان ده ؟؟؟ - __________ 8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا - جنيه ؟؟؟؟ دي عملة انكردت من زمااان - __________ 9- يطلع من البيت بعد الداده ماتلبسه الشنطه بتاعة الكتب على ضهره .. - بنشوف الشنطه دي مع الخواجات في شرم وبس - __________ 10- يركب الباس بتاع السكول .... ويشاور (باي باي) للداده ولمامي ... ويركب مع زمايله ويغنو بالانجليش او الفرينش ..... - فريدرو جاكو .... فريدرو جاكو ... هايللبّووه - __________ *الطفل البييييئه : __________ ................... 1- دييييييييب .... اخوه رمى عليه طوبه عشان بقاله ساعتين بيصحي فيه ... وهو ولا هنا ... - طبعا .. مقضيها صرمحه في الشارع للفجر - >>>>>>>>>>>>>>>>>>>>>>>>>>>>>>>>>>>>>>>> 2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر .... - بدل تمارين الصباح ... رياضه برضه - >>>>>>>>>>>>>>>>>>>>>>>>>>>>>>>>>>>>>>>> 3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه ..... انشالله صرصار .. برضه هاياكله من الجوع - عشان كده ماتلاقيش في بيتهم صراصير - >>>>>>>>>>>>>>>>>>>>>>>>>>>>>>>>>>>>>>>> 4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم ... - هدومه كلها مكرمشه ... تقولوش طالعه من بق كلب - >>>>>>>>>>>>>>>>>>>>>>>>>>>>>>>>>>>>>>>> 5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه - طبعا ما يعرفش اختراع اسمه الشرابات - >>>>>>>>>>>>>>>>>>>>>>>>>>>>>>>>>>>>>>>> 6- دلوقتي معاد حرب كل يوم .. : ماما ... انا عايز مصروفي : مصروف ايه ياااااض ... انت مش واخد امبارح .. ولا كل يوم مصروف مصروف : يعني مافيش اي حاجه ؟؟؟ : في دي ..... دييييب ... - ضربة بالحله على نافوخه - >>>>>>>>>>>>>>>>>>>>>>>>>>>>>>>>>>>>>>>> 7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول .... - مايعرفش يعني ايه قلم .... غير اللي بياخده على قفاااه - >>>>>>>>>>>>>>>>>>>>>>>>>>>>>>>>>>>>>>>> 8- هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه .... - ليااااااااااااااااااااااااااااقة - >>>>>>>>>>>>>>>>>>>>>>>>>>>>>>>>>>>>>>>> ============ في طابور المدرسه .... ============== ================= *الطفل الفافي (الهاف لايف) : 1- العيال كلهم واقفين في صفوف شكلها يفرح .. ده غير ريحتهم اللي زي الفل - نضافه رباااااااااني - ======================================= 2- الطابور كله تمارين ونشاط .... - على انغام الدي جي (ياسر شاكر) - ======================================= 3- الاذاعه المدرسيه .... اخبار من مجلات (واشنطون بوست) - وطبعا .... مافيش ترجمه - ======================================= 4- يغنو النشيد الوطني بقيادة المايسترو (سليم سحاب) - (حسن كامي) ... كان بيغنيه معاهم قبل ما ربنا يفتح عليه - ======================================= 5- طالعين فصولهم وكأنهم ملايكه أو فراشات ... وبحماس ونظاااام - تقريبا ... والله أعلم ... بيحبو مدرستهم .... سبحان الله - ======================================= *الطفل البيئه : 1- داخل المدرسه متأخر وحالته نيله - اتشعبط في مكروباز (شبرا) ... ومدرسته اصلا في (الحلميه) - ************************************************** **** 2- بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري ... زمايله في المدرسه - ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم - ************************************************** **** 3- الأثاحه الملثيه .....----> تحريف لكلمة (الاذاعة المدرسيه) ... - تخيلو انتو باقي الأخبار بقى - ************************************************** **** 4- النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟ - طبعا على موسيقا آلات النفخ .... الشيشه - ************************************************** **** 5- في مرحلة طلوعهم الفصول .... بيختلط الحابل بالنابل .... - ياترى انا في فصل ايه النهارده ؟؟؟ - ************************************************** **** بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتي ___________________ *الطفل الفافي (الهاف لايف) : 1- يرجع من السكول تكون الداده في استقباله ... وتشيل منه الشنطه ... ويغسل وشه ويغير هدومه - والله العظيم ... وشه انضف من ما كان طالع الصبح أصلا - ######################################### 2- بعد ما اتشطف .... وإتصبّن - الكلمه دي متعوب عليها على فكره - يقعد يلعب بلاي ستيشن لحاد ما يعملو الغدا - الغدا بتاعهم بنشوفه في الأفلام الأمركاني - ######################################### 3- هاني ... دينر از ريدي - السيييم بتاعهم لما يجهز الغدا - ######################################### 4- بعد الغدا ... يشرب كبايه (اورانج جووس) وينام ساعه عشان يعرف يذاكر ويحل الهوم وورك ######################################### *الطفل البييئه : ! ! 1- أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه ... - تقولوش جاسوس اسرائيلي اتمسك في حلوان - ~~~~~~~~~~~~~~~~~~~~~~~~~~~ 2- امه لسه ماخلصتش الغدا ... - النهارده امه دابحه دكر جبنه بيضه ... واحتمال يكون في فول بالصلصه - ~~~~~~~~~~~~~~~~~~~~~~~~~~~ 3- ترااااادااترااااااااااااااااااااااااا ... - دي اعلان الحرب ... أو الغدا <هجووووووووووم> - ~~~~~~~~~~~~~~~~~~~~~~~~~~~ 4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع - تنااااااااحه ... فور آيفير - ~~~~~~~~~~~~~~~~~~~~~~~~~~~ بعد حالة التناحه او النوم دي ... بيجي وقت الشده ... ياترى الحياه معاهم - الطفل الفافي .. والطفل البييئه - عامله ازاي ؟؟؟؟ ~~~~~~~~~~~~~~~~~~~~~~~~~~~ *الطفل الفافي (الهاف لايف) : 1- يقوم من النوم على صوت الداده ... الهادي طبعا .. عشان يقوم يذاكر مع المس (فرانكا) ... المدرّسه اللي جايبنهاله من انجلترا - نازله مخصوص ....... بالكاتالوج - _____________________ 2- بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش) - مشتركين في نادي المعادي والصيد والشمس ... ده غير سبورتنج في الصيف - _____________________ 3- يرجع من النادي ... ياخد دش ويحضر شنطته وينزل يتفرج على شانل تو - شانل تو بتاعة الام بي سي ... مش بتاعة مصر طبعا - _______________________ 4- على الساعه 10 يقوم عشان ينام .... والداده تحكيله حكايه قبل النوم - سندريللا وسنوو وايت ... مش ابو رجل مسلوخه وامنا الغوله - ____________________________ 5- ينام على صوت الداده وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده - ملاك نايم يا اخواتي - _____________________ *الطفل البيييئه : =========== 1- يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم - نفس بدايات ابراهيم سعيد - _____________________________________ 2- يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال - الراجل ده من كتر القزاز بتاعه ما اتكسر ... هايفتح مصنع قزاز - ________________________________ 3- اخته جابته عشان يحل الواجب ويذاكر .. بس مامعاهوش قلم ... قام نزل الشارع عشان يجيب قلم - آدي دقني لو جاب ولا حتى رجع من أصله - _________________________ 4- على الساعه 2 الفجر ... باب بيتهم بيخبط .. وامه فتحت الباب شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه - تقولش طفل من أطفال الانتفاضه - ____________________ 5- ساب امه وابوه وهم بيصالحو جارهم وبيبوسو ايده عشان ما يعملوش محضر .... واتسحّب المفعوص على المطبخ جاب حتة جبنه وطماطمايه ورغيف معطن .... وزوغان على السرير - بسلامته نايم وهو متلفح بالبطانيه زي مايكون من مطاريد الجبل[/align]
__________________
[ معذرة ... يمكن للأعضاء فقط أن يشاهدوا الروابط إضغط هنا للتسجيل ] بك استجير ومن يجير سواكا     MR.ELtair
 |
|
|
|
09-06-2007, 04:21 PM
|
#2 |
|
ميــكــس مـمـيز
تاريخ التسجيل: Aug 2007
الدولة: طنطا
المشاركات: 1,655
معدل تقييم المستوى: 1657
|
رد: دي مقارنه بسيطه بين (الطفل الفافي) ... و(الطفل البيئه )
هههههههههه
موضوعك رائع بس المقارنه ظالمه تقبل مررى
__________________
[ معذرة ... يمكن للأعضاء فقط أن يشاهدوا الروابط إضغط هنا للتسجيل ] [ معذرة ... يمكن للأعضاء فقط أن يشاهدوا الروابط إضغط هنا للتسجيل ] كلنا معكم وربنا يوفقكم |
|
|
|
|
09-06-2007, 07:26 PM
|
#3 |
|
Mixxat's Big Boss
تاريخ التسجيل: Jun 2007
الدولة: Kuwait
العمر: 24
المشاركات: 7,316
معدل تقييم المستوى: 10
|
رد: دي مقارنه بسيطه بين (الطفل الفافي) ... و(الطفل البيئه )
هههههههههههههههههههههههه
هههههههههههههههههههههههههههههههههههههه والله انا كل ما اشوفه اضحك قوي على مطاريد الجبل دا
__________________
[ معذرة ... يمكن للأعضاء فقط أن يشاهدوا الروابط إضغط هنا للتسجيل ] بك استجير ومن يجير سواكا MR.ELtair
|
|
|
|
|
09-08-2007, 02:25 PM
|
#4 |
|
مشرفة القسم الاسلامى والاسرة
تاريخ التسجيل: Jul 2007
المشاركات: 2,822
معدل تقييم المستوى: 2824
|
رد: دي مقارنه بسيطه بين (الطفل الفافي) ... و(الطفل البيئه )
هههههههههههههههههههههههههههههههههه
موضوع رائع جدا سيسو بجد عجبنى قوى قوى ههههههههههه بس الاحلى كمان يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال - الراجل ده من كتر القزاز بتاعه ما اتكسر ... هايفتح مصنع قزاز - بتفكرنى بواحد كده كان مشاغب قوووووى ومجنن الناس كلها هههههههههههههههههههههههههه تقبل مرورى وجزاك الله خيرا
__________________
لتعلم انك فى الدنيا زائر وفى الآخرة مقيم فاعمل على أن تكون زيارتك للدنيا فى طاعة الله لتكون اقامتك فى الاخرة فى مكان الكرماء الآحباء لله رزقنا الله واياكم حسن الخاتمة والاخلاص فى العمل والابتعاد عن الرياء والشرك والنفاق ( آمين ) علمتنى الحياة ان احترم عقول البشر........ ولكن لا اثق بها |
|
|
|
|
09-08-2007, 03:01 PM
|
#5 |
|
Mixxawy ViP
تاريخ التسجيل: Aug 2007
الدولة: وحيدا فى الظلام
المشاركات: 4,557
معدل تقييم المستوى: 4560
|
رد: دي مقارنه بسيطه بين (الطفل الفافي) ... و(الطفل البيئه )
بجد سيسو موضوع هايل
بس انا فى نظرى ما فيش فرق بين الاطفال فهولاء اطفال وهولاء اطفال ولكن الظروف او البيئه المحيطه بهم هى الفرق او هى السبب واناشد كل ام او اب ان يهتموا باطفالهم مهماااااااا كانت الظروف فهم شباب الغد ورجال المستقبل شكرااااااااااا سيسو وتقبل مرورى
__________________
|
|
|
|
|
09-08-2007, 03:39 PM
|
#6 |
|
Mixxat's Big Boss
تاريخ التسجيل: Jun 2007
الدولة: Kuwait
العمر: 24
المشاركات: 7,316
معدل تقييم المستوى: 10
|
رد: دي مقارنه بسيطه بين (الطفل الفافي) ... و(الطفل البيئه )
والله ياجماعه الموضوع لقيته في منتدى تاني حبيت اجيبه ليكو علشان دمه خفيف
بس انتي بقى قصدك ايه على الشقي ومجنن الناس ها قولي بقى ههههههههههههههههه
__________________
[ معذرة ... يمكن للأعضاء فقط أن يشاهدوا الروابط إضغط هنا للتسجيل ] بك استجير ومن يجير سواكا MR.ELtair
|
|
|
|
|
09-08-2007, 03:42 PM
|
#7 |
|
مشرفة القسم الاسلامى والاسرة
تاريخ التسجيل: Jul 2007
المشاركات: 2,822
معدل تقييم المستوى: 2824
|
رد: دي مقارنه بسيطه بين (الطفل الفافي) ... و(الطفل البيئه )
[align=center]هههههههههههههههههه طيب استنى أفكر ..........
لالا أقولك بلاش بقى هههههههههههههههه ربنا ستار حليم [/align]
__________________
لتعلم انك فى الدنيا زائر وفى الآخرة مقيم فاعمل على أن تكون زيارتك للدنيا فى طاعة الله لتكون اقامتك فى الاخرة فى مكان الكرماء الآحباء لله رزقنا الله واياكم حسن الخاتمة والاخلاص فى العمل والابتعاد عن الرياء والشرك والنفاق ( آمين ) علمتنى الحياة ان احترم عقول البشر........ ولكن لا اثق بها |
|
|
|
|
09-09-2007, 08:04 AM
|
#8 |
|
Mixxawy ViP
تاريخ التسجيل: Jul 2007
الدولة: Tanta.Mother of all world
العمر: 19
المشاركات: 1,031
معدل تقييم المستوى: 1033
|
رد: دي مقارنه بسيطه بين (الطفل الفافي) ... و(الطفل البيئه )
[moveo=down]هههههههههه والله مشكورة يا سوسو الموضوع جميل ون كان فية حاجات (واسعة) شوية و عن نفسى انا أعتقد بوجود الفافى أما التانى مش بالصورة دى و تقبلى المرور.....[/moveo]
|
|
|
|
|
09-09-2007, 08:36 AM
|
#9 |
|
Mixxat's Big Boss
تاريخ التسجيل: Jun 2007
الدولة: Kuwait
العمر: 24
المشاركات: 7,316
معدل تقييم المستوى: 10
|
رد: دي مقارنه بسيطه بين (الطفل الفافي) ... و(الطفل البيئه )
لالالالالالالالالالالالالالالالالالالالالالالالالا لالا
انا احتج بقى انا راجل ياعم سيسو مش سوسو ياراجل بنت ايه بس دا انا اسمي سيد حرام عليك
__________________
[ معذرة ... يمكن للأعضاء فقط أن يشاهدوا الروابط إضغط هنا للتسجيل ] بك استجير ومن يجير سواكا MR.ELtair
|
|
|
|
|
09-09-2007, 08:47 AM
|
#10 |
|
ميــكــس مـمـيز
تاريخ التسجيل: Aug 2007
المشاركات: 835
معدل تقييم المستوى: 837
|
رد: دي مقارنه بسيطه بين (الطفل الفافي) ... و(الطفل البيئه )
هههههههههه موضوع جميل جزاك الله خيرا
__________________
  [ معذرة ... يمكن للأعضاء فقط أن يشاهدوا الروابط إضغط هنا للتسجيل ] [ معذرة ... يمكن للأعضاء فقط أن يشاهدوا الروابط إضغط هنا للتسجيل ] أميرالرومانسيه |
|
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كل الناس بتخاف من الثعابين شوفوا بقى الطفل الصغير | medoo | صور | 7 | 04-17-2008 03:10 PM |
| لماذا يصرخ الطفل عندما يولد ؟ | memo2007 | الحوار المفتوح | 7 | 03-16-2008 07:10 AM |
| الطفل الذي هز كيان اسرائيل صوره | الطاير3 | صور | 46 | 03-08-2008 03:38 PM |
| بين الامس واليوم.., مقارنه | afrekano | الحوار المفتوح | 6 | 10-10-2007 05:45 PM |
| اثر التفكك الاسرى على الطفل | ملكة الاحساس | عالم الحياة الزوجية | 8 | 10-06-2007 10:57 AM |
Powered by
vBulletin® Version
3.7.0
Copyright ©2000 - 2008, Jelsoft Enterprises Ltd.
SEO by vBSEO 3.1.0
العرض العادي
