 |
 |
 |
|
|
|
|
 |
 |
|
|||||||
| سياسة سياسة, مواضيع سياسيه - اشخاص مهمه بالدول - كشف حقائق الحكومات - اساليب المعاملة, محمد حسنى مبارك |
 |
|
|
LinkBack | أدوات الموضوع | انواع عرض الموضوع |
10-12-2007, 08:50 PM
|
رقم المشاركة : [1] |
|
ميكس قمة الابداع
   |
لحب مصر
فى هذا الموضوع ننتقى لكم مجموعة من القصائد البسيطة المعبرة عن حب الوطن وبعض الكلمات من القلب فى حب مصر، ( من غير فذلكة ولا كلكعة ولا مثالية زايدة ) ، قصائد واقعية هنحسها كلنا ان شاء الله ، وبكلمات بسيطة معبرة ، وأغلبها هتكون عامية ، نبدأ على بركة الله بحبك والله لما رب الكون حباكي .. واصطفاكي وخلي كل الخلق حبك كنتى أول أرض تطرح كنتى أول بسمة تفرح كنتى لينا وكنا ليكي كنتى شريان المحبه وكنا دم بيجري فيكي وأمّا ربّك أمر نعمّر كنّا أول ايد تعمر كنت أول بيت صغير بس ساكن جنبه قصر كنت مصر واحنا كنا ليكى شعب ياما قالو الشعرا عنك ياما دابوا في بحر حبك بس لما جيت احبك التقيت الحب صعب والتقيت جوايا دمعه وميت سؤال ميت سؤال مصر مين؟ شيخ مربع فوق سنين العمر ساجد ولا فاسد ؟! مصر مين؟ مصر نكسه ولا نصر ؟ بيت صغير ولا قصر؟ مصر واحده ايدها واحده ولا ناس متفرقين؟! مصر مين؟ مصر شبرا.. ولا اوبرا ؟! مصر نائيه .. ولا راقيه ؟! مصر ماتت ولا باقيه مصر مين؟ مصر رحله وكله رايح ولا زحمة وقطر طايح والعيال متشعبطين؟ مصر مين ؟ مصر خوفو ولا عمرو مصر حبك جوه دمي ..ولا حبك فعل أمر؟ مصر حبك جوه دمي وانت امى ف كل عصر مصر أمي وهو حد يا خلق يرفض ان امه تبقي مصر مصر مهما قالوا عنها برضه باقيه بيت وقصر مهما شفنا من تناقض مهما كان الكل رافض باقيه مصر تحيا مصر _____________________________ خايف أصحى مالاقيش مصر ساعات بقلق بالليل يعني بالليل شوية كده قبل الفجر حسب الظروف كده بعد العصر خايف يوم أصحي.. وأفتح الشباك.. مالاقيش مصر ألاقيها لمت هدومها ومشيت لمت هدومها علي نيلها علي هرمها وطفشت وحلفت ميت يمين ماهي قاعدلنا ماهي زهقت.. تعبت.. إتخنقت أصلنا زودناها.. أكننا استعمرناها.. ورثناها مصر البنوتةالحلوة اللي زي القمر بقت عجوزة وشايبة وبان عليها الكبر خايف يوم أصحي.. وأفتح الشباك.. مالاقيش مصر ____________________ دا الى حصل مش أنا امبارح رحت من بيتنا في السيدة للشغل في حلون في سبع دقايق لا شوفت حد زعلان ولا حد متضايق والورد إنسان والنخل متعايق والناس جميلة مؤدبة والجو رايق والدنيا ماشية لوحدها ولا حد سايق ومش انا امبارح برضه رجعت من الشغل في حلوان لبيتنا في السيدة في خمس دقايق لا حاسس بغربة ولا شايف غريب وقلبي ابيض حليب عندليب كروان فرحان شايل ف قلبي وف جيوبي الفرح أشكال وألوان وزعت ع الشوارع والبيوت والجيران وطلعت البيت ضربت الجرس فتحت مراتي وبالأحضان والعيال كمان فرحانين ناجحين وجايبين الدرجات النهائية من غير دروس خصوصية قمنا رقصنا وغنينا واحتفلنا واتغدينا فضلة خيرك سمك واستاكوزا وجمبري م الكبير وحلينا ب مهلبية وشربنا الشاي كمان وفجأة لقيتني بردان بردان بصيت لقيت الشباك مفتوح ومفيش بطانية ومراتي جنبي وزي ما هيه لسة بتعاني من آلام المفاصل وده اللي حاصل والحمد لله على كل شيء __________________ ميدان الجيزة ضَيعّت شوية سنين كدة ... بَحب من بعيد لبعيد... والحكاية مقّضيّانى ... ومبسوط وراضى وسعيد ... أفرح بأى حَاجة ... واستنى هدُوم العيد ... وبَعدين ضَيعّت شوية سنين ... نفسى أبقى أشطر واحد فى الكيميا ... مع أنى مش فاهم ميدان الجيزة ... والحياة رغم قسوتها ... شايفها لذيذة ... وضيعت شوية سنين بقى ... نفسى أعدَّى اختبارات الكورة ... فى النادى الأهلى ... واشتغل فى وكالة ناسا ... وابقى واحد من العلماء المهمين ... وبعدين ضيعّت شوية سنين ... منتهى أملى كرسى فاضى ... فى أُتُوبيس تلات خَمسات ... عين الصيرة أم المصريين ... وضيعّت شوية سنين ... عايز أفهم الفرق ... بين النّكسة والهزيمة ... والاحترام وقلة القيمة ... وأبقى نجم سيما ... م المشهورين ... وبعدين ضيعت شوية سنين ... واقف عند نظرية المؤامرة ... لـا عارف اعيش ف الزمالك ... ولا راضى أعيش فى غمرة ... ومش عارف لية الحشيش ممنوع ... مدام مصرحين بالخمرة ... وياترى بقى أتجوز ... واحدة بيضة ولا سمرة ... ولا اسأل فيها ... رجال الفتوى والدين ... وضيّعت شوية سنين ... مركز ف السّيراميك ... والبيبان والشبابيك ... وألوان الحيطان ... وده بيج وده سن فيل ... والموضة الأصفر ... وقشر الموزة ... وضيعّت شوية سنين ... لا انا بحر ولا نيل ... حاجة كدة بعيد عنك ... ملهاش عُوزة ... ولمّا بقيت كام وخمسين ... لقيتنى لسّه ... بَحَب من بعيد لبعيد ... وبرضُه مش فاهم ... مِيدان الجيزة _______________ منقول لحب مصر |
|
|
|
10-12-2007, 10:29 PM
|
رقم المشاركة : [2] |
|
Mixxat's Big Boss
|
رد: لحب مصر
ممتاز موني والله
ممكن الموضوع مش كلنا يحس بقيمت مصر بس بجد اللي قال مصر ام الدنيا مغلطش وعمااار يمصر وحشتيني قوي يامصر بموووت في ترابك |
|
|
|
|
|
|
|
10-12-2007, 10:33 PM
|
رقم المشاركة : [3] | |
|
ميكس قمة الابداع
|
رد: لحب مصر
اقتباس:
تسلم يا سيسووووووووووو وفعلا الى ماشاف مصر ولا عاش فيها ما يعتبرش نفسه عايش مع كل ما فيها من سلبيات بس هيا دى مصر وعماااااااااااااااار يا مصر وان شاء الله ترجع قريب ونشوفك وسطنا |
|
|
|
|
|
10-12-2007, 10:34 PM
|
رقم المشاركة : [4] |
|
Mixxawy ViP
|
رد: لحب مصر
مرسي يا موني على طرح الجميل
مصر ام الدنيا بناسها زيكم ناس طيبين وقلبهم كبير ربنا يخليكم ليا مشكورة يا حبيبتي على الموضوع |
|
|
|
|
10-12-2007, 10:37 PM
|
رقم المشاركة : [5] | |
|
Mixxat's Big Boss
|
رد: لحب مصر
اقتباس:
ان شاء الله ربنا يسهل كدا ومرجعش تاني بره مصر عماااار يمصر |
|
|
|
||
|
|
|
|
10-12-2007, 10:39 PM
|
رقم المشاركة : [6] | |
|
ميكس قمة الابداع
|
رد: لحب مصر
اقتباس:
قمر يا خواااااااتى نورتى يا قلبى الموضوع واحنا واحد وما بيفرقش بينا اى حاجه تسلميلى يا قلبى |
|
|
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
Powered by
vBulletin® Version
3.7.0
Copyright ©2000 - 2008, Jelsoft Enterprises Ltd.
SEO by vBSEO 3.2.0
العرض العادي
