 |
 |
 |
|
|
|
|
 |
 |
|
|||||||
| كاركتير صور كاركتير, صور بسيطه , صورة وتعليق , صوره وتعليق , كاركتير سياسى , كاركتير اجتماعى , كاركتير فنى ورياضى |
 |
|
|
LinkBack | أدوات الموضوع | انواع عرض الموضوع |
11-01-2007, 06:47 PM
|
رقم المشاركة : [1] |
|
ميكس مبدع
   |
Raw... في بيتكم!
****  الساعة 3 بعد منتصف الليل تضع المفتاح في باب شقتكم.. فيصدر صوتا -الباب مش المفتاح!- يبدو مزعجا في ظل الهدوء المعشش على العمارة، فتقول لنفسك: "ما أنا لسه مزيتك امبارح.. يا ربي حتى الزيت بيغشوه طيب بس لما أشوف بكرة عم "توكل" البقال.. أنا بقى اللي هازيّتك!".. تغلق الباب ثم تخلع حذاءك وتضعه تحت باطك وترفع كعب قدمك لأعلى لتسير على أطراف أصابعك حتى تبدو وكأنك لاعب باليه محترف، فقط ينقصك الموسيقى الإيقاعية وتصفيق الجمهور.. تقترب من باب حجرتك المغلق في سعادة -إنت اللي سعيد مش باب الحجرة طبعا!-.. تضع يدك على "الأٌكره" وتضغطها لأسفل وأنت فرحان لأن أحدا لن يعرف أنك قد عدت إلى المنزل متأخرا هكذا.. وفجأة تضاء الصالة بالنور وتلمح والدك واقفا وراء الستارة الفاصلة بين السفرة والأنتريه.. تصرخ مفزوعا: "يامّا!" ثم تلملم شتات نفسك –أجزاءك المتبعترة يعني- وتقول لوالدك مبتسما وهو يقترب منك في هدوء يرعبك: "إيه يا والدي.. سهران لغاية دلوقتي ليه يا جميل.. كنت بتلعب Games على الكمبيوتر برضه.. صحتك يا عسل!" في ثانية يحدث التالي.. يرفع والدك يده لأعلى حتى تتصور أنها وصلت إلى السقف ثم يهوي بها على وجهك: "طرااااااااااااااااااااااااااااااااااااخ! " قبل أن تفهم ما حدث يأتيك القلم الثاني "طراخ".. ثم الثالث "طراخ طروخ".. فالرابع "طططططراااخ".. وأخيرا..." طيخ طوخ طخطوخ!".. وأنت مكوم على الأرض تقول له: "هو كله ضرب ضرب.. مافيش شتيمة ولا إيه؟!"  **** الساعة 3 بعد الظهر وأنت جالسة على مائدة الطعام مع والدك ووالدتك تتناولان الغذاء.. يحتسي -يشرب يعني!- والدك الشوربة ثم يقول لوالدتك في حدة: "إيه ده.. الشوربة دي طعمها غريب ليه كده؟" ترد عليه والدتك: "مالها يعني.. ما هي كده كل يوم.. تلاقيك إنت بس اللي زودتها في شرب السجاير" "ما أنا كل يوم باشرب سجاير.. أكيد إنت اللي سرحت وإنت بتعمليها.. هو إنت أصلا بقيتِ بتعرفي تعملي حاجة من أساسه".. تتدخلين أنت في الحوار وتقولين: "مالها بس يا بابا ما طعمها حلو أهو".. ينظر إليك شذرا -كده يعني- وهو يقول: "اخرسي إنت".. فتنخرسين! ثم يقوم في عنف من مكانه وهو يقول: "دي مش عيشة دي".. تقوم والدتك من مكانها بدورها وهي تقول: "مش فاهمة يعني لو دي مش عيشة.. تبقى إنت دلوقت ميت.. جثة يعني ولا إيه".. ينظر إليها شذرا -كده يعني برضه!- قبل أن يدفعها في عنف لتسقط على طرف الكرسي فتقفزين من مكانك لتلحقيها قبل أن تسقط أرضا.. يفتح باب الشقة ثم يلتفت ليقول لوالدتك: " آخر مرة أسمح لك إنك تكلميني بالشكل ده.. واوعي تعملي شوربة تاني بعد كده".  **** حصلت مرة ووالدك ضربك؟ فاكر ده كويس يعني؟ لسه الإيد معلمة على وشك؟ طب فاكر إيه السبب؟ وكان يستحق يعني ولا لما قلت له "وحشتني يا بابا" راح ضاربك على طول؟ طب بلاش دي.. اتخانقت قبل كده مع والدتك.. اتنرفزت عليك في يوم وهوب قامت رافعة إيدها و.. طاخ طراخ طيخ طوخ طوخ طوخ! طب انسَ الذكريات السيئة دي..  وافتكر كده إمتى آخر مرة اتخانقت فيها مع أخوك الصغير ولاّ أختك الصغيرة؟ أيوه اليوم ده لما كنت عاوز تتفرج على ميلودي وهي مصممة تتفرج على space toon.. أيوه اليوم ده لما قمت ماسك الريموت ورميته في وشها ورحت قايم من مكانك وإنت برضه مثبت التليفزيون على ميلودي.. وماهتمتش حتى إنك تبص على حاجبها اللي اتعور من الريموت.. فاكر فاكر؟ طب مدد كده على الشيزلونج المريح ده.. وارجع بذهنك لورا.. لورا.. لورا.. وجاوب لنا على السؤال الصعب ده: هل حصل يوم وشفت والدك بيضرب والدتك.. أو العكس؟  ماتتكسفش من الإجابة.. وماتتصورش إنك لو قلت حاجة عن الموضوع ده تبقى بتعمل إساءة لسمعة العيلة.. أولا.. احنا بندردش سوا جايز نوصل لحل أو على الأقل لما الواحد يفضفض يرتاح.. ثانيا.. العنف داخل الأسرة المصرية وكمان الأسرة العربية والعالمية كذلك أصبح ظاهرة تقريبا.. يعني مثلا في بريطانيا.. -وأهي دولة حلوة ومتقدمة أهي- فإن جرائم العنف الأسري تشكل ربع الجرائم التي تحدث هناك.. مش كده وبس.. بل إن كل امرأة بريطانية من أربعة تتعرض للإيذاء والعنف داخل أسرتها.. رقم كبير طبعا.. بس ده في بريطانيا.. تعال بقى في مصر الحلوة العفية! الدراسات الحديثة قالت إن 37% من جرائم العنف داخل الأسرة المصرية بتكون من الأخ الأكبر إلى الأخ الأصغر.. فاكر حادثة الريموت وميلودي؟! مش كده وبس خد عندك كمان.. زوجة واحدة من بين كل ثلاث زوجات مصريات تتعرض للضرب بأشكال مختلفة أثناء الحمل.. ما بالك في غير وقت الحمل؟ 60% من النساء اللاتي يتعرضن للعنف هن من الزوجات الأميات.. و30% منهن حاصلات على مؤهلات عليا.. و40% من هؤلاء الزوجات في حاجة إلى استشارة طبيب بسبب تعرضهن للضرب المبرح!  أرقام تخوف بصراحة..!! وتخليك تشعر أن البيت المصري أصبح أشبه بحلقات مصارعة الـRAW اللي الكل بيتخانق فيها بقسوة وبعنف وبدون أي قوانين حاكمة.. بس الفارق إن اللي بيحصل في الـ RAWمش بيؤثر على حد نفسيا بل بالعكس كل المشاركين فيه بياخدوا فلوس كمان.. لكن الـ RAWاللي في بيتكم بقى.. بيطلّع أجيال مشوهة نفسيا وجواها مشاكل نفسية بالكوم.. تفتكر إيه السبب.. إن أغلب بيوتنا في مصر أصبحت RAW محلية؟! ممكن الظروف الاقتصادية السيئة تكون هي السبب مثلا؟ ولا ضغوط الحياة وعدم قيام الأسرة المصرية على قواعد صحيحة صلبة ومتينة.. بيخليها "متلصمة" يعني؟ وياترى كنت مشارك قبل كده في الـ RAW اللي في بيتكم ولا مالكش فيه؟ وبتحاول تفضه يعني.. ولا بتنفض ومالكش دعوة بيه؟  وجاوبت علينا ولا لسه؟ ومتنساش تكتب رأيك  |
|
|
|
11-01-2007, 06:54 PM
|
رقم المشاركة : [2] |
|
ميكساوى اصيل ومميز
|
رد: Raw... في بيتكم!
ههههههههههههههههههههههههههههه
انا بصحك على بداية الموضوع حكاية الليل والضهر جميلة جدا دائما متميز يا عبدو وان شاء الله ننتظر منك المزيد وتسلم ايدك تقبل مرورى وجزاك الله خيرا |
|
|
|
|
|
|
|
11-02-2007, 09:40 AM
|
رقم المشاركة : [3] |
|
مشرف منتدى الكاريكاتير
|
رد: Raw... في بيتكم!
انت هتفكرنا بايام الطفولة بقا .. انا خلاص كبرت على الضرب هههههههههه
الحقيقة انا افتكر ان مرة وانا فى اعدادى كانت اول مرة اعلى صوتى فى البيت على والدى وكانت اخر مرة لان ايدة لسة معلمة على وشى هههههههههه الحمد لله عدد مرات العلق دى قليل جدااااااااا .. اهم حاجة الاحترام فى العلاقة شكرا ياغالى على موضوعك الجميل |
|
|
|
|
11-26-2007, 08:09 AM
|
رقم المشاركة : [4] |
|
Mixxawy ViP
 |
رد: Raw... في بيتكم!
جميل يا عبدو
|
|
|
|
|
|
|
|
11-26-2007, 08:36 AM
|
رقم المشاركة : [5] |
|
ميكس قمة الابداع
 |
رد: Raw... في بيتكم!
جميله فكرة المصارعه دى يا عبدو
وحكايه 3 بعد نص الليل انا هنقلها فى الكاريكاتير اصها دمها خفيف فعلا |
|
|
|
|
|
|
|
11-26-2007, 06:28 PM
|
رقم المشاركة : [6] |
|
ميكس جديد
|
رد: Raw... في بيتكم!
رد رد رد
أزعجتونا كل موضوع لازم نــرد !!!!!!!!!!!!!!!! |
|
|
|
|
12-10-2007, 10:37 PM
|
رقم المشاركة : [7] |
|
ميكس نشيط
|
رد: Raw... في بيتكم!
بارك الله بك , شكراً أخي الكريم
تقبلوا خالص تحياتي أخوكم |
|
|
|
|
12-21-2007, 05:04 PM
|
رقم المشاركة : [8] |
|
موقوف
|
رد: Raw... في بيتكم!
ايه يا عبدو الجمال ده بجد مشكورررررررررر
علي الموضوع الجميل ده ان شاء الله في تقدم مستمر |
|
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
Powered by
vBulletin® Version
3.7.0
Copyright ©2000 - 2008, Jelsoft Enterprises Ltd.
SEO by vBSEO 3.2.0
شات سعودي موقع البنات , موقع بنات فقط , منتديات البنات , منتدى البنات
العرض العادي
