هوايات مختلفةقسم هوايات مختلفة ! هل لديك هوايات تريد البوح بها هل تريد مساعدة فى هواياتك ؟ هل تريد تعلم هوايه معينه وتريد المساعدة ؟ تجد هنا مجموعه مختلفة من الهوايات ومساعدات من الاعضاء لتتميز فى هواياتك المفضلة : السباحة,ركوب الخيل,الرماية,والمزيد من الهوايات الرياضية وكذلك تجد هواية تربية الاسماك,تربية الطيور,تربيو العصافير,تربية الكلام,تدريب الكلاب,تربية القطط,تعليم القطط,تربية السلاحف,تربية الحيوانات البرية,تربية الحيوانات الاليفة,معلومات عامة فى تربية الحيوانات,هواية الصيد,هواية الجري والمزيد من الهوايات المختلفة.
لغة الحمام وازاي بيتكلمو الغاويين (موضوع شديد وحصري)
السلام عليكم
كل سنة وانتو طيبين يا اجمل منتدى
النهارده قولت اعرفكو شوية عن لغة الحمام وكنا بنتكلم ازاي واختصارات الكلام
اصل السمك نايم اليومين دول بقى
هههههههههههههههههه
المهم
نقسم الموضوع لكذا قسم
نقول بالنسبة للسكن بتعهم او مكان التربية
في عندنا ناس تربي في برج وهوا مصنوع من الخشب ويرتفع عن سطوح البيت حسب رغبة الغاووي وكل دور في الارتفاع يسمى ألبه
وفي ناس تربي في داير وهوا شبية بالبرج بس اصغر حجما ويكون ملاصق لسطح البيت
وفي ناس تربي في عشش عادية او غرف عادية
وفي حاجة اسمها زقاق ودا علشان التكاثر وتربية الزغاليل
وكمان عندنا السلاكة اللي بنحط فيها الزغاليل علشان ننشرها فوق البيت وتستطلع المكان علشان مظلش الطريق وكمان تتشمس
بالنسبة لبيت الفرد نفسة بنسمية محضن
او في ناس تربي في اقفاص او صفايح عادية
والمحضن دايما داخل المربيعة
والمربيعة دائما عيونها زوجية يعني مربعة 2 عين مربعة 4 عين وهكذاااا
اما الحمام نفسة بنقول عليه اية بقى
الانثي نسميها طيره
الذكر بنقول عليه دكر عادي
الزغاليل نقول عليها عش
بالنسبة للتكاثر والبيض
حدث ولا حرج بقى
المهم عندنا في البداية الطيرة ليها عضمتين في حالة البيع او الشراء لابد ان نتاكد من سلامة تلك العضمة علشان لو فيهم واحده مكسورة يبقى الطيرة متنفعش بقى ههههههههههههههه
المهم لو العضمتين دول موسعين يبقى الطيرة محتاجة الدكر
وفي حالة التزاوج تبقى الطيرة معبية
وفي حالة وجود البيض لديها داخل الغضمتين يبقى اسمها محصية
وفي حالة الزواج يقوم الذكر بالدوران حول الانثي وهوا ما يسمي بالزوووم وبعدها يقوم بهرش الانثي في رأسها او بنسمية عندنا
وبعد كدا يأكلها زي ما يكون بيأكل الزغلول بالظبط
وبعدين بقى يتم التزواج زي ما انتو عارفين
قبل ما الانثى تبيض بنعرف ازاي
الدكر ديما ماشي ورا الطيره وينقرها في دمغها ديماااا بكدا بنقول الدكر بينقر النتاية يعني هتبييض او على وش بيض بقى
الانثي تبيض 2 بيضة
وتقريبا من 18 الى 21 يوم وتفقس البيضة
وطبعا خلال تلك الفتره بنعرف البيضة سلمية ولا لالالا
من خلال اخذ البيضة ووقعها في اتجاة الشمس ورؤية فراغ بداخلها وهوا مرحلة التكوين للفرخ
طبعا الكلام مخلصش بس علشان مطولش عليكو لو في اقبال على الموضوع هكمل بقيت اللغة
وانواع الاكل وكيفية علاج الحمام في حالة العقم او الهزا او العصب
لغة الحمام وازاي بيتكلمو الغاويين (موضوع شديد وحصري)
ههههههههههههههه
ديماااا بكدا بنقول الدكر بينقر النتاية يعني هتبييض او على وش بيض بقى
رد: لغة الحمام وازاي بيتكلمو الغاويين (موضوع شديد وحصري)
العرض العادي
