اسمحولى : ومنتظر العيش والحلاوة

**INJURED MAN** · 07-06-2007, 07:34 AM

اسمحولى جميعا ان افتتح قسم خمسه سياسه بهذه الاضحوكه

[HIDE-REPLY]سيدي الرئيس

في عيد ميلادك الكام وسبعين

كل سنة وأنت طيب

واحنا مش طيبين

كل سنة وأنت حاكم

واحنا محكومين

واحنا مظلومين

واحنا متهانين

ويا ترى يا حبيب الملايين

فاكرنا ولا احنا خلاص منسيين

فاكر المعتقلين

فاكر الجعانين

فاكر المشردين

فاكر اللي ماتو محروقين

فاكر الغرقانين

الله يكون في عونك - هاتفتكر مين وللا مين

في عيد ميلادك الكام وسبعين

بقول لك كلمتين

الأوله

شيلتنا طين

وهل تعلم أن النيل بقى رشاح

والجو أصبح بيئة والعيشة ولعة

والشرفا قلوبهم عالبلد والعة

وانت عاملهم مذبحة ولا بتاعة القلعة

والاقتصاد سداح

والسرقة بقت كفاح

ومصر متاحة بس للسياح

وعرض البلد بقى مستباح

والتانية

ورتنا الويل

دا الخطوة في عهدك بقت ميل

والضحك بقى نواح وعويل

والكوسة

عارف الكوسة

ممكن أقولك فيها موواويل

والجامعة بقت يا إما كباريه أو دار مسنين

والشباب معظمهم من غير خمرة سكرانين

والعلم عز على المتعلمين

والأساتذة بقم دجالين

والقادة بقم طبالين

واديني في الهايف يا حبيب الملايين

والتالتة

عارف اليابانيين

زمان في سنة اتنين وخمسين

كان عندنا تروماي وكان عندنا علم ومتعلمين

وثقافة ومثقفين

وأدبا وعلما وفنانين

وكانو اليابانيين

بالنووي لسة مضروبين

وللصدقة مستحقين

دلوقتي إحنا فين وهما فين

هما فوق واحنا في أسفل سافلين

والرابعة

أمن البلد بقى تنين

والمحاكم اتملت مظالم

والعدالة بقت كمالة

وكلمة الحق في الزبالة

وأصحابها في الزنازين

والخامسة

القطاع العام…. عام

والفساد…. ساد

وفي جتة بلدنا بيرعى

أفتكر لجنابك إيه وللا إيه

وكل ذكرى ليك بدمعة

آآآآآآآآه آآآآآآآآه

أنا كنت حالف ميت يمين

أكملهم لك تمنية وسبعين

بس هاكفيهم ورق منين

وكل سنة وأنت

واحنا طيبين[/HIDE-REPLY]

انا منتظر العيش والحلاوة بكرة

**Dns** · 07-06-2007, 07:39 AM

سداح مداح بكل أسف

ربنا يكونفى عونا جميعاً

**INJURED MAN** · 07-06-2007, 07:53 AM

اقتباس:

المشاركة الأصلية كتبت بواسطة Dns

سداح مداح بكل أسف

ربنا يكونفى عونا جميعاً

بالعكس يا احمد

احنا اللى فاهمين الحكومه غلط

الحكومه عاوزة الشعب فى هدوء

واحنا مش متعودين على الهدوء عاوزين نعمل مشاكل وبس

لكن الصيده دى انا حاطتها هنا كاسلوب للدعابة

الرايس مش معقول هيشغل بالو بالتفاهات بتاعتنا

الله يعينه ويقويه يا رب ويكرمه ويكرمنا

**ملكة الاحساس** · 07-06-2007, 07:59 AM

سام
متشكرين

**INJURED MAN** · 07-06-2007, 08:23 AM

لا شكر على جديد مونى انتى شكلك خايفه

ههههههههههه

**ملكة الاحساس** · 07-06-2007, 08:45 AM

لا يا خويا واخاف من ايه

بس هو انت مين انامعرفكش

هههههههههههههههههههههههههههه

انا ايه جابنى هنا

**INJURED MAN** · 07-06-2007, 09:10 AM

هههههههههههه

والله يا مونى انا فاتح القسم ده علشان احسن شىء الشباب يعمله انه يفرغ طاقته

يعنى انا مثلا مخنوق من حاجه اكتبها

وغيرى وغيىر وغيرى وهكذا

وكل ما هنكتب

كل ما هنرتاح

دى بس انظرية وكمان علشان نحمس الشباب انهم يهتمو بالكتابه شوية

**احمس رع** · 07-06-2007, 10:02 AM

والله هذا هو حالنا المضحك المبكي
شكرا لك حبيبي سام والي الامام
مع تقديري وحبي

mx3 · 07-06-2007, 12:34 PM

اقتباس:

المشاركة الأصلية كتبت بواسطة Mixxat

اسمحولى جميعا ان افتتح قسم خمسه سياسه بهذه الاضحوكه

سيدي الرئيس

في عيد ميلادك الكام وسبعين

كل سنة وأنت طيب

واحنا مش طيبين

كل سنة وأنت حاكم

واحنا محكومين

واحنا مظلومين

واحنا متهانين

ويا ترى يا حبيب الملايين

فاكرنا ولا احنا خلاص منسيين

فاكر المعتقلين

فاكر الجعانين

فاكر المشردين

فاكر اللي ماتو محروقين

فاكر الغرقانين

الله يكون في عونك - هاتفتكر مين وللا مين

في عيد ميلادك الكام وسبعين

بقول لك كلمتين

الأوله

شيلتنا طين

وهل تعلم أن النيل بقى رشاح

والجو أصبح بيئة والعيشة ولعة

والشرفا قلوبهم عالبلد والعة

وانت عاملهم مذبحة ولا بتاعة القلعة

والاقتصاد سداح

والسرقة بقت كفاح

ومصر متاحة بس للسياح

وعرض البلد بقى مستباح

والتانية

ورتنا الويل

دا الخطوة في عهدك بقت ميل

والضحك بقى نواح وعويل

والكوسة

عارف الكوسة

ممكن أقولك فيها موواويل

والجامعة بقت يا إما كباريه أو دار مسنين

والشباب معظمهم من غير خمرة سكرانين

والعلم عز على المتعلمين

والأساتذة بقم دجالين

والقادة بقم طبالين

واديني في الهايف يا حبيب الملايين

والتالتة

عارف اليابانيين

زمان في سنة اتنين وخمسين

كان عندنا تروماي وكان عندنا علم ومتعلمين

وثقافة ومثقفين

وأدبا وعلما وفنانين

وكانو اليابانيين

بالنووي لسة مضروبين

وللصدقة مستحقين

دلوقتي إحنا فين وهما فين

هما فوق واحنا في أسفل سافلين

والرابعة

أمن البلد بقى تنين

والمحاكم اتملت مظالم

والعدالة بقت كمالة

وكلمة الحق في الزبالة

وأصحابها في الزنازين

والخامسة

القطاع العام…. عام

والفساد…. ساد

وفي جتة بلدنا بيرعى

أفتكر لجنابك إيه وللا إيه

وكل ذكرى ليك بدمعة

آآآآآآآآه آآآآآآآآه

أنا كنت حالف ميت يمين

أكملهم لك تمنية وسبعين

بس هاكفيهم ورق منين

وكل سنة وأنت

واحنا طيبين

انا منتظر العيش والحلاوة بكرة

الى ملوش خير فى بلده مالوش خير فى اهله ولى ملوش خير فى اهله ملوش خير فى حد
على فكره انا اقدر ان ائتى بك من على فراشك
فانت لا تعرف من انا .
مع تحياتى (mx3).

**moon light** · 07-06-2007, 01:54 PM

متخفش بكرة العيش وحلاوة فى انتظارك
اصل حبيبنا الحلوين مش هيعجبهم الكلام دة
يعنى رحت فى داهية......................ربنا معاك