جبتو ايه في عيد الحب

**ام العيال** · 02-13-2008, 06:56 PM

موضوع حبيت اعرفو منكم انا سألت ناس كتير في محيط المجتمع اللي انا فيه هتجيبو ايه في عيد الحب وطبعا كل واحد كان ليه رأي واحدة قالت هجيب دبدوب بس هو لو عملها هرميه من الشباك لازم حاجة دهب وواحد قال انا هعمل زي احمد عيد واديها 17 جنيه وتتشبرق بيها وفيه اللي قال هخليها هي تختار عشان اشتري دماغي واللي قال هجيب ورد بس احلي تعليق سمعته واتأكدت من صدقه كان واحد متجوز لما سألته هتجيب ايه للمدام حاجة كبيرة ولا هدية رمزية زي الورد مثلا رد عليه وقالي لالالالا الورد ده قبل الجواز لكن دلوقت ممكن اجيب موز وبرتقال لاننا في فترة نقاهة بعد وعكة صحية جامدة تأثير نزلة حب
ودلوقت انتم بقي عايزة اعرف هتجيبو ايه في عيد الحب دا طبعا لو فيه حب
مستنية الردود

**سمسماية** · 02-13-2008, 07:09 PM

ههههههههههههههههههههههه
بجد يا اختى الموضوع بالرغم مع انه رائع وجميل
الا انه أضحكنى بجد
لكن أنا بالنسبة ليا مفيش حاجة اسمها عيد أو يوم الحب
لآن أولا فى الاسلام عيدان فقط لا ثالث لهما

سلمتى على الموضوع حبيبتى
جزاكى الله خيرا

**ام العيال** · 02-13-2008, 07:32 PM

شكرا لمرورك سمسمة انا كمان عمري ما احتفلت بيه بس انا حاولت افهم الاحتفال بيكون ازاي عن طريق الهدايا اللي هتتقدم واهو حاجة ما شفنهاش نعرف رأي اللي شاف سلمت سمسمة وشرفت جدا بمرورك

**ام العيال** · 02-14-2008, 11:17 AM

ايه ياجماعة انتم مش بتردو عليه ليه هو السؤال صعب ولا ايه؟

**القبطان** · 02-14-2008, 12:25 PM

ههههههههههههههههههههههههههههههههه
حب ايه بس يا ام العيال
كله كلام فاضى وتضيع وقت والله
الحب ده من حق شخص واحد فى الدنيا هو زوجك اللى هتكملى معاه حياتك
انا عن نفسى عمرى ما احتفلت بالموضوع ده
انا اعرف ناس اصحابى لو جمعوا الدباديب اللى عندهم ممكن يفتحوا محل
وفى الاخر مبيخدوش بعض
شكرآ على الموضوع الجميل ده يا ام العيال

**زينب عبد السلام** · 02-15-2008, 09:49 AM

ههههههههه مش شرط ان عيد الحب يبقى بين حبيب وحبيته بس ياقبطان ولكن ممكن يكون بين زوج وزوجته بين صاحب وصاحبة وواحده وواحدة صحبتها

**ام العيال** · 02-15-2008, 11:54 AM

نورتني يا قبطان بس انالما قصدت افتح الموضوع مكنش قصدي غير اني اعرف الناس اللي بتحتفل بيه بتحتفل ازاي وبيجيبو ايه وكده يعني انما يابني والله احنا غلابة لا بنحتفل ولا كنا نعرفه اصلا لغاية قريب فعشان كده كان نفسي اعرف مش اكتر وشكرا لردك الجميل

**عفريتة ميكسات** · 02-16-2008, 10:54 PM

ههههههههههههههههههههههههههههه

موضوع جميل ياام العيال

بصراحه عمرى مااحتفلت بيه خالص

وعايزه اضم صوتى لصوت زينب واقول فعلا مش لازم يبقى بيبن الحبيب والحبيبه

لا بيبقى برده بين الزوج وزجته وبين الخطيب وخطبيبته

وانا اصلا عمرى مااعترفت بيه

انما عيد الحب ده بقى

كان يوم خطوبيتى والهديه كانت الشبكه ههههههههههههههههههههه

وشكرا ياقمرى على موضوعك

**ام العيال** · 02-17-2008, 12:33 PM

شكرا ليكي زينب انت وشوشو علي مروركم الجميل ده وانا معاكم من مش بالضروري يكون عيد الحب للاحبه بس ممكن يكون للازواج كمان وتعتبر هدنة معلنة بين الطرفين لالتقاط الانفاس ومعاودة الهجمات المستمرة ولا ايه
كل سنه وانتم بخير

**Eltair** · 02-17-2008, 06:50 PM

انا هجيب ليكو بقى الضغط طبعااا

ههههههههههههههههههههههههههههههه

وتلالالاتين