 |
 |
 |
|
|
|
|
 |
 |
|
|||||||
| البشرة والشعر قسم البشرة والشعر يحتوي على نصائح لحواء للعناية بالبشرة والشعر |
 |
|
|
LinkBack | أدوات الموضوع | انواع عرض الموضوع |
02-18-2008, 09:49 PM
|
رقم المشاركة : [1] |
|
Mixxawy ViP
  |
كل مشكلة وليها حل
بالرغم من كل النصائح اللي اتكلمنا عليها دي إلا إن بشرتك ممكن تتعرض لشوية مشاكل في فصل الشتاء..
وطبعا أنت عارفة إن مفيش مشكلة إلا وليها حل خاصة مع قمر 14 بيبقى الحل طبيعي ميه في الميه علشان كده هقولك دلوقتي على المشاكل اللي ممكن تقابلك وهقولك كمان على الحل الطبيعي اللي ممكن تعمليه علشان تحلي المشكلة دي نشوف مع بعض المشاكل وحلها المشكلة الأولى جفاف جلد الجسم أكيد كلنا في الشتاء بعد ما بناخد دش ينحس إن جلدنا بقى جاف قوي ومش بيلمع.. والحل يا ستي إنك تدلكي جسمك قبل الاستحمام بربع ساعة بزيت زيتون وبعد كده خدي الدش بتاعك عادي بس ياريت بعد ما تخلصي الاستحمام بالميه الفاترة تاخدي دش تاني بميه باردة وبعد ما تخلصي الدش نشفي جسمك بفوطة ناعمة وبعد كده ابدأي في وضع كريمات مرطبة على جسمك وهتشوفي الفرق بنفسك. المشكلة التانية جفاف جلد الوجه برضه أكيد ساعات بتلاقي بشرة وشك في الشتاء مشدودة وجافة وبتجربي كريمات كتير وبرضه مفيش فايدة.. والحل هو إنك تجربي أي ماسك يعجبك من الماسكات دي وتتخلصي من المشكلة دي نهائي.. ماسك الزبدة لعلاج جفاف البشرة المكونات : • معلقة صغيرة زبدة • معلقة كبيرة ميه الطريقة: اخلطي ملعقة صغيرة من الزبدة مع ملعقة ميه وقلبيهم مع بعض كويس وبعد كده ادهني بيها وشك لمدة ربع ساعة وبعد كده اغسلي وشك بالميه الفاترة وكرري الماسك ده مرتين في الأسبوع وهتشوفي الفرق بنفسك. ماسك العسل بالليمون والماسك ده بالإضافة إلى إنه بيساعد على علاج مشكلة جفاف البشرة كمان بيساعد على ترطيب البشرة وزيادة نعومتها.. المكونات: • ملعقة كبيرة عسل نحل • ملعقة كبيرة عصير ليمون • ملعقة كبيرة خميرة بيرة • ملعقة مياه دافئة الطريقة: أذيبي الخميرة في مياه دافئة لغاية ما تبقى عجينة بعد كده ضيفي إليها ملعقة عسل واخلطي المقادير دي مع بعضها بعد كده ضعي الماسك على وشك وسيبيه لمدة خمس دقائق لغاية ما تلاقي إن الماسك ده بدأ يجف، وبعدين هاتِ ملعقة فيها ليمون وبللي بها قطعة قطن وبعد كده مرري قطعة القطن دي على وشك وبعد مرور خمس دقائق اغسلي وشك بالميه الفاترة وبعدين بميه باردة وكرري الماسك ده مرة كل أسبوع وهتشوفي الفرق بنفسك. المشكلة الثالثة شحوب البشرة من ضمن المشاكل اللي ممكن تتعرضي لها في الشتاء إنك تحسي إن بشرتك لونها شاحب شوية والحل إنك تجربي الماسك ده.. ماسك البرتقال المكونات: • عصير نصف برتقالة • 3 معالق عسل الطريقة: سخني العسل مع عصير البرتقال على نار هادئة لغاية ما تلاقي العسل ذاب، بعد كده شيليه من على النار وسيبيه شوية لغاية ما تلاقيه برد، وبعد كده حطيه على وشك لمدة ربع ساعة وبعدين امسحي وشك بقطنة مبلولة بالميه الفاترة وكرري الماسك ده مرتين في الأسبوع وهتلاقي وشك بقى حاجة تانية خالص. المشكلة الرابعة خشونة جلد اليدين وتشققه دي مشكلة بتعاني منها بنات كتير قوووي طووول الشتاء كل ما تيجي تسلمي على واحدة تلاقي إيديها خشنة قوووي. والحل هو الماسك ده.. ماسك عصير الليمون كل اللي عليك إنك تعصري نصف ليمونة على باطن إيدك وبعد كده تاخدي العصير ده وتدعكي بيه إيدك وبعد مرور 10 دقائق تشطفي إيديك بالميه الفاترة، وكرري العملية دي كل يوم وبعد مرور أسبوع هتلاقي بشرة إيدك رجعت لها النعومة وبقت أنعم من الحرير. المشكلة الخامسة خشونة كعب القدمين وتشققه دي مشكلة كمان ممكن تقابلك وده لأن جلد كعب القدمين ضعيف جدا وبيتأثر بالبرودة قوووي. والحل بسيط جدًا وهو.. حمام المياه والفازلين ضعي رجليكِ في مياه تكون فاترة لمدة عشر دقائق وبعد كده ادعكي رجليكِ بالحجر بعد ما تتأكدي من إزالة كل الجلد الميت نشفي رجلكِ كويس وضعي طبقة سميكة من الفازلين على كعوب رجلك وبعد كده البسي كيس بلاستيك في رجلكِ وعليه شراب وسيبيه لمدة نص ساعة أو نامي به وقومي الصبح وهتلاقي الفرق بنفسك. المشكلة السادسة تشقق الشفايف فيه كمان مشكلة ممكن تقابك في الشتاء وهي مشكلة تشقق الشفايف وده لأن زي ما أنت عارفة جلد الشفايف جلد رقيق جدا وبيتأثر بأي حاجة بسرعة علشان كده بتلاقيه هو أول حاجة بتتأثر بانخفاض درجات الحرارة. والحل شوفي يا قمر قدامك أكتر من حل وأنت اختاري المناسب لك: 1- أول حاجة احرصي طول الشتاء على استخدام زبدة كاكاو لأنها بتقي الشفايف من الجفاف وبترطب الشفايف. 2- تحطي طبقة من "الفازلين" على الشفايف بعد غسلها وتنشيفها. 3- ادعكِ شفايفك كل يوم بالليل بالطحينة وعلى فكرة الطحينة مش بس هتعالج التشققات دي هتعالج كمان أي التهابات موجودة. 4- ادعكِ شفايفك بعسل النحل كل يوم الصبح. المشكلة السابعة تشقق جلد الكوعين من ضمن المشاكل اللي ممكن تتعرضي ليها في الشتاء مشكلة تشقق جلد الكوعين ودي حلها ماسك زيت القرفة المكونات: 3 نقط زيت قرفة (من عند العطار) 8 معالق كبيرة زيت مشمش (من عند العطار) الطريقة: ضعي المكونات السابقة مع بعضها في زجاجة واقفليها كويس ورجي الزجاجة دي كويس علشان المقادير دي تتخلط مع بعضها، وبعد كده ادهني الأماكن المصابة بالجفاف والتشقق وبعد مرور نص ساعة اغسليها بالميه الفاترة وكرري الماسك ده مرة كل أسبوع. ولغاية هنا وخلص كلامنا المرة دي يارب فعلا نكون قدمنالكم الحلول لكل المشاكل اللي ممكن تقابلكم في الشتاء.. واوعوا تنسوا تبعتوا آراءكم وتعليقاتكم الجامدة قووي |
|
|
|
|
|
|
02-26-2008, 10:09 PM
|
رقم المشاركة : [2] |
|
ادارة موقع ومنتديات ميكسات
|
رد: كل مشكلة وليها حل
ميرسى يا ادمنت على الموضوع
و مشكور بجد على النصائح الطبيعيه و المفيده تحياتى لك |
|
|
|
|
03-06-2008, 06:07 AM
|
رقم المشاركة : [3] |
|
Mixxawy ViP
|
رد: كل مشكلة وليها حل
منورنى يا اترنال لوف
ويارب بالافادة |
|
|
|
|
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
Powered by
vBulletin® Version
3.7.0
Copyright ©2000 - 2008, Jelsoft Enterprises Ltd.
SEO by vBSEO 3.2.0
العرض العادي
